«тасдиклайман» "Ўзбекистон почтаси" аж жиззах филиали директори Г. Кулдошев

«ТАСДИҚЛАЙМАН»
«Узбекистон почтаси» ОАЖ
Жиззах филиали директори
____________И.Шералиев


«Ўзбекистон почтаси» ОАЖ Жиззах филиали хўжалик ишлари бўлими мутахассисиининг лавозим йуриқномаси.


Асосий хизмат вазифалари: Хўжалик ишлари бўлими мутахассиси филиалга кирим қилинган товар – моддий бойликларини қабул қилади, уларнинг кейинги ҳаракатини, сақланишини, белгиланган бўлим ёки таркибга етказилишини таъминлайди. Товар моддий бойликларнинг омборда сақланишни техника ва ёнгин хавфсизлиги талабларига, санитария эпидимология қоидаларига риоя қилган холда таъминлайди. Хўжалик ишлари бўлимида тозалик ва тартибни таъминлайди. Хўжалик ишлари бўлимида мавжуд товар- моддий бойликларнинг аниқ ҳисобини олиб боради, ҳужжатлаштириш ишларини тўғри юритади, товар моддий бойликларининг кирим ва чиқариш ҳисобини олиб боради. Тафтиш ва инвентаризациядан ўтказишда бевосита қатнашади. Омборхона ва унга қарашли буюм ва жиҳозларни таъмирлаш ишларини амалга ошириб, уларнинг домий ишга яроқли бўлишини таъминлаб боради. Хўжалик ишлари ишини яхшилаш, ҳаражатларни камайтириш борасида таклифлар ишлаб чиқади ва уни амалга оширишда иштирок этади. Иш жараёнида бухгалтерия билан ўзаро хисоб-китоб қилиб, белгиланган муддатларда ҳисоботларни топшириб боради. Жойлар билан узлуксиз алоқада бўлиб, юбориладиган почта тўлов белгиларининг сотилиши ва маблағларнинг туширилишини талаб қилиб боради. Почта тўлов белгилари ва бошқа моддий товар бойликларининг ҳаракати тўғрисида таҳлилий маълумот тайёрлайди ва ҳисобхонага тегишли тартибда ўз вақтида топширилишини таъминлайди.
Омбор мудири:

• 
  Омборхона ишларини юритиш билан боғлиқ меъёрий ҳужжатларини билиши ва улар билан ишлаш малакасига эга бўлиши;
  
• 
  Товар моддий бойликларига қуйиладиган техник ва стандарт талаблар қоидаларини билиши;
  
• 
  Товар моддий бойликларининг тури, размери, кўриниши, нави ва бошқа ҳусусиятларини ҳамда уларни сақлаш ёки ишлатиш қоидаларини билиши;
  
• 
  Юклаш ёки тушириш техник қоидаларини билиши;
  
• 
  Ички меҳнат тартиби қоидаларини яхши билиши ва уларга оғишмай амал қилиши;
  
• 
  Юқори ташкилот ёки раҳбарият томонидан берилагн топшириқларни ўз вақтида ва сифатли бажариши;
  
• 
  Филиал томонидан ташкил этиладиган тадбирларда фаол иштирок этиши лозим.
  

Малака талаби: Ўрта махсус маълумотли ва камида омбор мудири лавозимида 3 йиллик ёки умумий ўрта маълумот билан омбор мудири вазифасида камида 5 йиллик меҳнат стажига эга бўлиши, судланмаган бўлиши лозим.
Омбор мудири билан алоҳида моддий жавобгарлик тўғрисида шартнома имзоланади.
Эслатма: Ушбу лавозим йурикномаси Ўзбекистон Республикасининг «Почта алоқаси тўғрисидаги» қонуни, Меҳнат қонуни, Ўзбекистон алоқа ва ахборотлаштириш агентлигининг 2003 йил 3 июндаги 151-сон буйруғи билан тасдиқланган, Республика Адлия Вазирлиги томонидан 2003 йил 16 июлда №1256-сон билан руйхатга олинган «Почта алоқаси хизматларини кўрсатиш қоидалари», Агентликнинг 2002 йил 21 октябрдаги 127 – сон буйруғи билан амалга жорий қилинган «Почта қоидалари» ва соҳага тегишли бошқа меъёрий ҳужжатлар асосида ишлаб чиқилган.
Лавозим йўриқномасига почта хизмати соҳасида бўладиган ўзгаришлар муносабати билан
қўшимчалар киритилиши мумкин.
Тайёрлади : Танишдим :