Tartiblarini takomillashtirish

Bitiruv malakaviy ishining maqsadi. Iqtisodiyotni modernizatsiya qilish sharoitida jismoniy shaxslardan olinadigan soliqlarni byudjetdagi o’rni va ahamiyatini hamda byudjetga undirish tartiblarini tahlil qilish asosida takomillashtirish bo’yicha takliflarni ishlab chiqish bitiruv malkaviy ishining maqsadi hisoblanadi.
Bitiruv malakaviy ishining vazifalari. Ishning oldiga qo’yilgan maqsadiga erishish uchun quyidagi vazifalarni hal etish taqozo etiladi:

• 
  Jismoniy shaxslardan olinadigan soliqlarning mohiyati va nazariy asoslarini o’rganish;
  
• 
  Jismoniy shaxslar tomonidan to’lanadigan soliqlarning huquqiy asoslarini o’rganish;
  
• 
  Jismoniy shaxslarning daromad solig’ini byudjetga undirish amaliyotini taxlil qilish;
  
• 
  Jismoniy shaxslarning mol-mulk va er solig’ini byudjetga undirish amaliyotini taxlil qilish;
  
• 
  Jismoniy shaxslar tomonidan to’lanadigan boshqa soliqlarning byudjetga undirish amaliyotini taxlil qilish;
  
• 
  Iqtisodiyotni modernizatsiyalash sharoitida jismoniy shaxslardan olinadigan soliqlarni byudjetga undirish tartiblarini takomillashtirish masalalarini ko’rib chiqish.
  

Bitiruv malakaviy ishining ob’ekti. O’zbekiston Respublikasida jismoniy shaxslardan olinadigan soliqlar, ya’ni daromad solig’i, mol-mulk solig’i, yer solig’i, tadbirkorlik faoliyatidan qat’iy soliq hamda yoqilg’i iste’moli uchun undiriladigan soliqlar bitiruv malakaviy ishining obyekti hisoblanadi.
Bitiruv malakaviy ishining predmeti. Jismoniy shaxslardan olinadigan soliqlar, ya’ni daromad solig’i, mol-mulk solig’i, yer solig’i, tadbirkorlik faoliyatidan qat’iy soliq hamda yoqilg’i iste’moli uchun undiriladigan soliqlarlarning hisoblash va byudjetga undirish jarayonida shakllanadigan moliyaviy munosabatlar bitiruv malkaviy ishining predmeti hisoblanadi.
Bitiruv malakaviy ishining nazariy- amaliy ahamiyati. Mazkur ishning oldiga qo’yilgan vazifalarni amalag oshirish natijasida maqsadga erishish amalga oshirilayotgan byudjet va soliq siyosatining tub mohiyatini soliq va to’lovlarni to’lovchilarga tushuntirishda hamda jismoniy shaxslardan olinadigan soliqlarni byudjetga undirishni soddalashtirishda qo’llanilishi yoki foydalanilishi mumkin.
Bitiruv malakaviy ishida jismoniy shaxslardan olinadigan soliqlarni byudjetga undirish tartibini takomillashtirish bo’yicha natijalarga erishish amaliy ahamiyatga egadir.