Tarmoqlararo ekran texnologiyalari va uning imkoniyatlari Tarmoqlararo ekran tuzilmasi

13-MA’RUZA
TARMOQLARARO EKRAN TEXNOLOGIYALARI
REJA:

1. 
   Tarmoqlararo ekran
   
2. 
   Tarmoqlararo ekran texnologiyalari va uning imkoniyatlari
   
3. 
   Tarmoqlararo ekran tuzilmasi
   

Tarmoqlararo ekran texnologiyalari va uning imkoniyatlari
Tarmoqlararo ekran (TE) - brandmauer yoki firewall sistemasi deb ham ataluvchi tarmoqlararo himoyaning ixtisoslashtirilgan kompleksi. Tarmoqlararo ekran umumiy tarmoqni ikki yoki undan koʻp qismlarga ajratish va ma’lumot paketlarini chegara orqali umumiy tarmoqning bir qismidan ikkinchisiga oʻtish shartlarini belgilovchi qoidalar toʻplamini amalga oshirish imkonini beradi. Odatda, bu chegara korxonaning korporativ (lokal) tarmogʻi va Internet global tarmoq orasida oʻtkaziladi. Tarmoqlararo ekranlar garchi korxona lokal tarmogʻi ulangan korporativ intratarmogʻidan qilinuvchi hujumlar dan himoyalashda ishlatilishlari mumkin boʻlsada, odatda ular korxona ichki tarmogʻini Internet global tarmoqdan suqilib kirishdan himoyalaydi. Aksariyat tijorat tashkilotlari uchun tarmoqlararo ekranlarning oʻrnatilishi ichki tarmoq xavfsizligini ta’minlashning zaruriy sharti hisoblanadi.
Tarmoqlararo ekran — himoyalash vositasi bo’lib, ishonchli tarmoq, va ishonchsiz tarmoq orasida ma’lumotlarga kirishni boshqarishda qo’llaniladi.
Tarmoqlararo ekran ko’p komponentli bo’lib, u Internetdan tashkilotning axborot zahiralarini himoyalash strategiyasi sanaladi. Ya’ni tashkilot tarmogi va Internet orasida qo’riqlash vazifasini bajaradi.
Tarmoqlararo ekranning asosiy funktsiyasi — ma’lumotlarga egalik qilishni markazlashtirilgan boshqaruvini ta’minlashdan iborat.
Tarmoqlararo ekran quyidagi himoyalarni amalga oshiradi:
• urinsiz trafiklar, ya’ni tarmoqda o’zatiladigan xabarlar okimini takiklash;
• qabul qilingan trafikni ichki tizimlarga yunaltirish;
• ichki tizimning zaif qismlarini yashirish bilan Internet tomonidan uyushtiriladigan xujumlardan himoyalash;
• barcha trafiklarni bayonlashtirish;
• ichki ma’lumotlarni, masalan tarmoq topologiyasini, tizim nomlarini, tarmoq uskunalarini va foydalanuvchilarning identifikatorlarini Internetdan yashirish;
• ishonchli autentifikatsiyani taminlash.
Ko’pgina adabiyotlarda tarmoqlararo ekran tushunchasi brandmauer yoki Fire Wall deb yuritilgan. Umuman bularning hammasi yagona tushunchadir.