Tarmoq texnologiyalari

XULOSALAR 
“Tarmoq texnologiyalari” fanini o’qitishni takomillashtirishning 
ilmiy - pedagogik asoslari bo‘yicha olib borilgan tadqiqotlar natijasida 
quyidagi xulosalar taqdim etildi: 
1.
Xorijiy ilmiy adabiyotlar va fan dasturlarining tahlili hamda 
axborot - kommunikatsiya texnologiyalari sohasidagi so‘ngi yutuqlarni 
hisobga olgan holda “Tarmoq texnologiyalari” fani mazmuni 
tizimlashtirilib, bulut texnologiyalar, IoT – buyumlar interneti, NB-IoT 
texnologiyasi, simsiz tarmoqning yangi standartlari, Smart Campus, 
LoRaWAN texnologiyasi kabi komponentlarini kiritish orqali yangi 
tushunchalar bilan boyitish lozim. 
2. Pedagogika oliy ta’lim muassasalarida “Tarmoq texnologiyalari” 
fani bo‘yicha o‘quv jarayonini individuallashtirishga imkon beruvchi 
tematik veb sayt, mobil ilova va elektron ta’lim resurslari yaratilib 
hamda o‘quv jarayoniga joriy etishning pedagogik samaradorligi aniqlab 
tahlil qilish kerak.
3. “Tarmoq texnologiyalari” fani bo‘yicha oliy ta’lim tizimining 
mavjud pedagogik funksiyalarini o‘z ichiga olgan, mediaresurslar, veb-
texnologiya 
hamda 
Cisco 
Packet 
Tracer 
simulyatorlarini 
integratsiyalovchi elektron o‘quv qo‘llanma yaratib, undan ma’ruza, 
laboratoriya va mustaqil mashg‘ulotlarda foydalanish metodikasi ishlab 
chiqish lozim. 
4. SMART – texnologiyalar (Smart Digital Podium, Smartboard, 
SMART Response, SMART Bridgit, Kahoot) vositalari yordamida 
“Tarmoq texnologiyalari” fani bo‘yicha talabalarning bilim, ko‘nikma 
va malakalarni baholash uchun o‘quv jarayonini nazorat qilish va 
monitoringini olib borish metodikasi takomillashtirish zarur. 
5. SMART-texnologiyalar asosidagi integratsiyalashgan ta’lim 
muhitidan 
foydalanib 
“Tarmoq texnologiyalari” fani ma’ruza 
mashg‘ulotlarini o‘qitishning “Flipped classroom” metodi ishlab chiqib 
amaliyotiga joriy etilish zarur.
6. Talabalarning kasbiy kompetensiyasini motivatsion, faoliyatli va 
axborotli kabi kompleks baholash mezonlari asosida tahlil qilish lozim. 
Yuqorida keltirilgan xulosalarni inobatga olib quyidagi tavsiyalar 
ishlab chiqildi: 
1. “Tarmoq texnologiyalari” fani bo‘yicha yaratilgan integrativ 
elektron o‘quv qo‘llanmadan pedagogika oliy ta’lim muassasalarining 

---

109 
5110700 - informatika o‘qitish metodikasi bakalavriat ta’lim 
yo‘nalishida ta’lim olayotgan talabalarning o‘quv-ijodiy faoliyatini 
rivojlantirish bo‘yicha o‘quv jarayoniga tatbiq etish zarur. 
2. Tadqiqot davomida ishlab chiqilgan “Tarmoq texnologiyalari” 
fanining SMART-texnologiyalar asosida integratsiyalashgan ta’lim 
muhitidagi takomillashtirilgan metodik ta’minotidan foydalangan holda 
boshqa fanlarga ham joriy etish kerak. 
3. “Tarmoq texnologiyalari” fani mazmunining yangicha shakli 
bo‘yicha kasbiy kompetentlikning tarkiblari Blum taksonomiyasining 
o‘quv maqsadlariga mos holda ishlab chiqish hamda respublikamiz 
pedagogika OTMlari uchun yangi takomillashtirilgan Fan dasturini joriy 
etish lozim.

---

110