|
Prioritet (ustuvor) muammolarni aniqlash va siyosiy “kun tartibini” shakllantirish. Bu boshlang‘ich bosqichda, siyosiy qaror qabul qilish uchun zarur dastlabki axborotlar to‘planadi, saralanadi, tahlil qilinadi. Alohida individlar, ijtimoiy guruh va jamoat tashkilotlarining manfaatlari, talablari va ehtiyojlari o‘rganiladi: yechimni talab qilayotgan ustuvor muammolar tanlab olinadi va hukumat yoki boshqa davlatning harakat organlaridan kutilgan ijtimoiy – siyosiy “kun tartibi” tuziladi.
Ijtimoiy muammolar bo‘yicha siyosiy qarorlarning muqobil variantlarini ishlab chiqish va ko‘rib chiqish. Qarorlarning invariantlarini ishlab chiqish bir qancha muqobil qarorlardan eng yaxshi qaror tanlovining optimizatsiyasidagi obyektiv ehtiyoj hamda subyektiv intilishlar, ko‘pincha bir-biri bilan raqobatlashuvchi va u yoki bu siyosiy qaror uchun o‘z loyihasini o‘tkazishga urunuvchi turli ijtimoiy kuchlar qarorlarini qabul qilish jarayoniga bosim bilan bog‘liq.
Yakuniy tanlov, davlat qarorlarini ifodalash va legitimlashtirish. Bu ish mohiyatan, qaror qabul qilishning asosiy bosqichi bo‘lib, demokratik mamlakatlarda davlat boshqaruvi subyektlari tomonidan ovoz berish yoki konsensusga erishish usullari yordamida texnologik shaklda amalga oshiriladi. Bunda qaror uning vakolatiga kiruvchi barcha fuqarolar uchun umummajburiy shaklga kiradi.
Qabul qilingan davlat qarorlarini siyosiy amaliyotda amalga oshirish. Boshqaruv qarori shu bosqichda amalga kiritiladi va hayotga tatbiq etiladi. Davlat ma’muriyati ushbu mamlakat siyosiy rejimiga bog‘liq ravishda usullar (majburlash va ishontirish) kombinatsiyasidan foydalanadi va qabul qilingan strategik qarorlarni amalga oshirish uchun alohida sotsiotexnik vositalarni (manipullashtirish, manevrlardan foydalanish) va boshqalarni qo‘llaydi.
Qarorni amalga oshirish ustidan nazorat va uning natijalari bilan “teskari aloqa”. Bu, qaror qabul qilishning tugallovchi bosqichi. Nazoratning va “teskari aloqa”ning yo‘qligi davlat qarorining yoki buzib ko‘rsatilishiga yoki shunchaki bajarilmasligiga yoki, hatto teskari natijaga olib kelishi mumkin. U yoki bu davlat qarorlarining realizatsiyasi nazorati amaliy tadbirlar, texnologik amaliyotlarni siyosiy qarorlar qabul qilishning dastlabki modeli, rejasi va dasturi bilan doimiy ravishda qiyoslashdan iborat bo‘ladi. Nazorat jamiyatdagi institutsional tartibni qo‘llab-quvvatlovchi turli me’yor va amaliyotlarni belgilovchi (korrupsiyaga qarshi kurash, jinoyatchilikning boshqa shakllari), qonun chiqaruvchi qarorlarni bajarishga davlat byudjetidagi umumiy proporsiyaga ko‘ra, moliyaviy va boshqa material zaxiralarning operativ taqsimoti bilan shug‘ullanadigan ijro etuvchi hokimiyat organlari qaroriga tegishlidir. So‘nggi bosqichlarda umummajburiy qarorlarning refleksif modelini ishlab chiqishdan uni amaliyotga tatbig‘iga o‘tish harakati sodir bo‘ladi.
Xulosa.
Бошқариш қарорлари ёки ечим қабул қилиш, юқорида кўриб ўтилган ахборот алмашиш каби ҳар қандай бошқарув фаолиятининг муҳим қисмидир. Агар ахборот алмашиш ташкилот фаолияти бўйлаб ўзига хос ўзаги ёки негизи бўлса, менежмент жараёнида ечим қабул қилиш — бу «марказ», атрофида ташкилот ҳаёти айланиб туради. Ечимни бошқариш меҳнатининг маҳсулоти деб қараш мумкин, уни қабул қилиш эса ушбу маҳсулотнинг яратилишига олиб келувчи жараёндир.
Қандай тўғри ечим қабул қилиш маълум фанлар томонидан ўрганилмокда ва ёритилмокда. Тўғри ечим қабул қилиш — бу бошқариш санъатининг соҳаси ва жабҳаси. Қобилият ва маҳорат тажриба билан ривожланади, раҳбар томонидан бутун ҳаёти давомида эри- шади. Ечим қабул қилишни юқори даражада эгаллаш, билимли ва маҳоратли бўлиш ҳар қандай раҳбарнинг омилкорлигидир. Омилкорлигининг эришган даражасидан келиб чиқиб менежернинг самарали иши ҳақида гапирилади.
Менежмент жараёнларида ечим қабул қилиш ҳаётдаги ечимларга нисбатан ўта тизимлаштирилган жа раён. Менежер фақат ўзи учунгина эмас, балки ташкилот ва бошқа ходимлар учун ҳам ҳаракат йўналишини танлайди. Менежмент жараёнларидаги ечимлар кўпгина кишилар ҳаётига кучли таъсир этиши мумкин.
Foydalanilgan adabiyotlar.
1.Menejment asoslari. Zayniddinova va boshqalar.
2.Menejment nazariyasi. Zayniddinova va boshqalar.
3.Menejment. Sharifxo’jayev va Abdullayev. 2001-yil.
Internet manzillar.
1.www.arxiv.uz
2.www.ziyo.net
3.www.referatlar.uz
Do'stlaringiz bilan baham: |
