Тармоқ маркази “Ҳимояга тавсия этаман”

4. Ходимларни жалб этишда тизимли ёндашув йўллари.
Ходимларни жалб этишда тизимли ёндашув асосида цехни бошқаришни доимий такомиллаштиришни таъминлаш лозим. Миссия, хавфсизлик, малака, технологик жараён, стандартлар ва бошқа меъёрий талабларини бажариш ва амал қилиш, иш жойларини содда ҳамда қулай визуал кўринишларни ташкил этиш орқали цехда сифатли бошқарув тизимини ўрнатиш керак.
Ходимларни бошқариш вазифалари у ёки бу бошқарув жараёни доирасида одамларни бошқариш тадбирларидан фарқ қилиб, бошқаришнинг мустақил функционал жараёнларидан иборат. Уларнинг мақсадли йўналиши ишлаб чиқариш ташкилоти умумий стратегиясинининг таркибий қисми бўлган ижтимоий стратегия билан белгилаб берилган¹⁵.
Ходимларни бошқариш тизимининг асосий вазифаларига қуйидагилар киради:
- фирмага ўз мақсадларига эришишида ёрдам бериш;
- фирмани малакали ва манфаатли ходимлар билан таъминлаш;
- ходимларни маҳорат ва қобилиятларидан самарали фойдаланиш;
- барча категориядаги ходимларнинг меҳнатидан қониқиш даражасини ошириш;
- қулай ахлоқий вазиятни сақлаш;
- мартабани – хизмат соҳасида кўтаришни режалаштириш;
- ходимларнинг ижодий фаоллиги, фирманинг инновация режаларини амалга оширишда ёрдам бериш;
- ходимларнинг фаолиятига баҳо бериш ва бошқалар.
5-расм

Ходимларни тизимли ёндашув бўйича цехни бошқариши- ишлаб чиқариш линияси етакчиларини «Бизнес бошқаруви»га жалб этишга, компаниянинг «Бизнес-режа»си мақсадларини қўллаб қувватлашга, технология жараёнларини такомиллаштириш бўйича туғри қарорлар қабул қилишга, нуқсонни ажратиш ва юзага келиши мумкин бўлган муаммонинг туб сабабларини аниқлаш ва бартараф қилишга, такомиллаштириш асосида имкониятлари ортиши ҳамда муаммолар бўйича аввалги қарорлар бажарилишини назорат қилишга ёрдам беради.
Тизимли ёндашув асосида цехни бошқариш занжирига етакчиликни яратиш, жараёнларни доимий назоратини олиб бориш, қўйилган мақсадларга эришишни кафолатлаш, маълумотлар алмашувини таъминлаш ҳамда етакчиликда намуна бўлиш киради.