Тармоқ маркази “Ҳимояга тавсия этаман”

Қўйилган мақсадларга эришишда қонун, меъёрий ва истеъмолчи талабларга риоя этишга, нуқсонни қабул қилмаслик, яратмаслик, ўтказмасликга, ишни биринчисидаёқ тўғри бажаришга, ўзини истеъмолчи ўрнига қўйишга, ишлаб чиқариш маданиятига риоя этишга, хавфсизлик қоидаларига тўла риоя этишга, далилларга асосланиб қарорлар қабул қилишга, иш жараёнини доимий такомиллаштириб боришга ҳамда билим ва малакани доимо ошириб боришга қатъий амал қилиш лозим.
Мақсадларга эришишда корхона раҳбарияти ходимларга етакчилик қилади ва ўз зиммасига қуйидаги мажбуриятларни олади:
● қаноатлантирувчи иш муҳитини яратиш;
● хавфсизлик устиворлигини таъминлаш;
● барча зарур ресурслар билан таъминлаш;
● ҳар қандай муаммоларини ўз вақтида сабабини ечиш;
● қабул қилинган қарорларни натижавийлигини таъминлаш;
● сифат сиёсатини ходимларга етказиш, даврий таҳлиллаш ва яроқли бўлишини таъминлаш.
Бизнес режасиз юқори ва барқарор унумдорликка эришиб бўлмайди. Унумдорликни ошириш бўйича аниқ мақсадга эга бўлмай эришилган унумдорлик юқори ёки паст эканлигини аниқлаб бўлмайди. Мақсадлар қайси тадбир умумий унумдорликни ошираётгани, қайсиниси унинг ўсишига тўсқинлик қилишини аниқлаш учун хизмат қилади. Америкалик олимлар Ragts ва Felik унумдорлик унумдорликни миқдор ва сифат воситасида ифодаланган мақсадларга ўз вақтида эришиш аниқ ресурслардан фойдаланиш кўрсаткичидир деб хисоблаганлар¹³.


2. Ходимларни ишлаб чиқаришга жалб этишда саломатлик ва хавфсизлик устуворлигининг аҳамияти.
Корхона қўйган сиёсат ва мақсадларга эришишида барча ходимлар хавфсизлик ва саломатлик талабларига риоя этишлари лозим. Хавфсизлик ва саломатлик устуворлигини таъминлашда ҳар қандай хавфларни камайтиришга бутун эътиборни қаратиш ходимлар хавфсизлигини кафолатлайди.
Шиор: Бахтсиз ҳодисалар = «О» га эришиш.
Саломатлик ва хавфсизликда етакчиликни қўллаб қувватлаш, 100%га хавфсизлик қоидаларига риоя этишни таъминлаш, интизом, одоб-аҳлоқни (яхшилаш) ўзгартириш ҳамда хавфларни ўрганиш ва сабабларини бартараф этиш устуворлик бўлиш мумкин.
1 та тасодифий ўлим билан тўгайдиган бахтсиз ҳодисани олдини олиш учун 30000 та бахтсиз тасодифни бартараф этиш лозим.
Саломатликни таъминлаш учун хавфсизлик йўлларини ишлаб чиқиш муҳим ҳисобланади. (1-2-расм)