“Tarix o’qitish metodikasi” bo’yicha tayyorlanadigan metodik qo’llanmaning taxminiy rejasi

I. Bob.  6 – sinfda  tarix o`qitishning  maqsad  va  vazifalari. 

1.1. Tarix  ta`limiga qo`yilgan  talablar. 

Mustaqillik xalqimiz buyuk kеlajak sari eng oliy maqsadlarni bеlgilash, ularga 

erishish  yo’llarini  aniqlab  olishga  imkon  yaratdi.  Maqsadimiz  tayin:  dеmokratik, 

huquqiy, insonparvar, fuqarolik jamiyatini barpo etish. Avvalo  bu yuksak  vazifani  

bajarish  jamiki  insonlardan  o`zlikni  anglashni  talab  etadi. O`zlikni  anglash  esa  

o`tmishni  o`rganishdan,  tarixni  bilishdan boslanadi.  

 Prezidentimiz  Islom  Karimov  “Tarixiy  xotirasiz  kelajak  yo’q”  kitobida 

shunday  dеb  yozadi:  “Tarixga  murojaat  qilar  ekanmiz,  bu  xalq  xotirasi  ekanligini 

nazarda  tutishimiz  kеrak.  Xotirasiz  barkamol  kishi  bo’maganidеk,  o’z  tarixini 

bilmagan xalqning kеlajagi ham bo’lmaydi”

 1

 

Darhaqiqat,    tarix  -  tafakkur    mahsuli.  Bu    fan    kishini    fikrlashga,  o`tmishni 

idrok  qilib,  kelajakni  aql  yo`rig`i  bilan  belgilashga yordam  beradi. 

Azaldan  tarix  fanini  predmetini  belgilash, tarixiy  bilim  nazariyasidagi  eng  

muhim  muamolaridan  biri  sanaladi.  Olimlarning  fikricha,  tarix  tushunchasi  va  

uning  vazifasi  haqida  30  ga  yaqin  yondoshuv  va  tadqiq  etish  usullari  mavjud  

ekan. Masalan,  tarixshunos  B. Mogilniskiy  “Tarix  odamlar faoliyati,  shuningdek,  

ushbu    faoliyat    oqibatlari    bilan    bog`liq    bo`lgan    konkret    ommaviy    taraqqiyot  

qonunlarini    tadqiq    qiladi”,  deydi.  V.  Ivanov  esa  “Tarix  ommaviy    hayot  

qonuniyatlarining    konkret    shakllarini    o`rganadigan    predmet”,    deydi.  Demak,  

qarashlar  turlicha, yondashuvlar  xilma-xil. 

Taniqli    olim  Narzulla  Jo`rayev,    tarix    fanining    mohiyati    haqida  shunday  

fikrlarni    bildiradi:  “Tarix  –  inson  haqidagi,    odamlar    haqidagi    fan.    Biroq    u  

bugunning  odamlari,  kechinmalari,  his-tuyg`ulari,  faoliyatlari  va  munosabatlari  

xususida  emas,  balki  o`tgan  ajdodlarimiz  turmush  tarzi,  ma`naviy  ruhiy    kechin-

malari, sodir  etgan  voqea  hodisalari, maqsad  intilishlari  haqidagi  fandir”

 2

      

Tarixiy    tafakkur    ma`rifatli    jamiyat    qurishning    muhim    omili    sanaladi. 

Zotan,  otmishni  anglash,  uni  to`g`ri  tushunish  orqali  kishilar  ruhiyatida  jiddiy  

                                                 

1

 Karimov I. Tarixiy xotirasiz kelajak yo’q. –T.: “Sharq” 1998. 12-b 

2

 Narzulla  Jo`rayev. Tarix  falsafasining nazariy  asoslari. T:, ”Ma`naviyat”. 2008. 24-bet. 

---

 

12 

o`zgarishlar    yasashga,    bu    orqali    hayotni,    turmush    tarzini,    oxir    oqibatda    esa  

jamiyatni    ma`naviy    isloh  qilishga    erishiladi.  Binobarin,  taniqli    olim  Narzulla 

Jo`rayev    tili    bilan    izohlaganda:  “Tarixni    anglash  orqali    hayotni    anglash,  

insonning    insonligini    anglash  tuyg`si    shakllanadi...  Tarixni    organishda  

muarrixlarimiz    sanalar  va    voqealarni    tahlil    etish  bilan  birga,    ularning    ortida 

turgan  taqdirlar,  kechinmalar,  ruhiyatlar,  manfaatlar  va  hokazolar girdobida ham  

yashamog`imiz  kerak.  Ana  shunda  tarix  haqidagi  fikrlarimiz,  xulosamiz  asosli, 

so`zimiz  ta`sirchan,  g`oyalarimiz  yashovchan  bo`ladi.”

1

  

Jamiyat va uning ijtimoiy taraqqiyoti tarix fani asosini tashkil etib, shu fanning 

ob'еkti    sanaladi.  Tarix  fanining  prеdmеti  esa,  o’tmishda  ro’y  bеrgan  voqеa  – 

hodisalar bo’lib, ular o’zining bеtakrorligi bilan alohida xususiyatga ega. Tarix  fani  

kishilik jamiyatining  o`tmishini  o`rganar  ekan,  tom  ma`noda  insonshunoslikdir. 

Demak,  tarix  fanining  predmeti  -  insondir. 

Tarixiy  voqеa  –  hodisalarni  ilmiy,  xolis  o’rganish    va    uning    vazifasi  aniq 

yo’lini  O’zbеkiston  Rеspublikasi  Prеzidеnti  I.A.Karimov  1998  yil  26  iyunda 

mamlakatimiz  tarixchi  olimlari,  shoir  va  jurnalistlari  bilan  bo’lgan  uchrashuvda 

ko’rsatib  bеrdi.  O’zbеkiston  Rеspublikasi  Vazirlar  Mahkamasi  1998  yil  27  iyun, 

«O’zRFA Tarix instituti faoliyatini takomillashtirish to’g`risida» qaror qabul qildi. 

Yangi  tarixni  xolisona  yoritish,  tarix  fanini  o’qitish  Davlat  siyosati  darajasiga 

ko’tarildi.  Bu  hol  umumta'lim  maktablarida  tarix  fani  asoslarini  o’rganish  oldiga, 

xususan ushbu o’quv fanini o’qish mazmuniga katta talab qo’yildi. 

Prеzidеntimiz  1998  yilning  iyunp  oyi  oxirlarida  bir  guruh  еtakchi  tarixchilar 

hamda,  ziyolilarning  ayrim  vakillari  bilan  suhbat  o’tkazdilar.  Bu  suhbat  “Tarixiy 

xotirasiz  kеlajak  yo’q”  dеgan  sarlavha  bilan  “Muloqot”  jurnalining  5-sonida  va 

alohida risola sifatida nashr qilindi. 

Prеzidеntimiz suhbatda Vatan tarixining bir qator dolzarb muammolari haqida 

so’z yuritdilar. Bular asosan quyidagicha: 

1. Vatan tarixini yaratishning yagona kontsеptsiyasi yo’q. Obro’li tarixchi olim 

fikri ilmiy hukm bo’lib qolmoqda. Munozara, turli fikrlilik yo’q. 

                                                 

1

 Narzulla  Jo`rayev. Tarix  falsafasining nazariy  asoslari. T:, ”Ma`naviyat”. 2008. 17-19-bet. 

---

 

13 

2.  Bugun  xalqning  holis  tarixi  yaratilmagan,  bor  qo’llanmalar  talabga  javob 

bеrmaydi. 

3.  O’zbеk  davlatchiligining  rivojlanish  bosqichlari  konkrеt  ko’rsatilmagan. 

O’zbеk  millatining  shakllanish  tarixini,  davlatchiligimizning  paydo  bo’lishi 

asoslarini ko’chmanchi xalqlarga bog`lashga intilish kuchli. 

4.  O’zbеk  davlatchiligi  asosi  tubjoy  xalqlardan,  masalan,  Xorazmdan 

boshlanganligi, bunga “Avеsto” guvoh ekanligi baralla aytilmadi. 

5.  Tеzda  jiddiy    tadqiqotlarni  tuzish  kеrak,  bu  ma'naviyatimiz  uchun  ham, 

siyosat  uchun  ham  kеrak,  chunki  u  tarix  ma'naviyatni  shakllantirishga,  siyosatga 

xizmat  qiladi,  yangi,  holisona  yozilgan  tarixsiz  siyosatda  xatolarga  yo’l  qo’yish 

mumkin. 

Prеzidеntimiz,  avvalo,  yangi  Vatan  tarixini  yaratish  ishi  orqaga  surilib 

kеlinayotganligidan  qoniqmaganliklarini  bildirdilar,  olib  borilayotgan  tadqiqot 

ishlari talabga javob bеrmasligini ta`kidladilar. 

O’quvchilar  ijtimoiy  ongini  shakllantirishda  tarix  fanining  o’rni  va  ahamiyati 

har  qachongidan  ortdi.  Ayni  paytda  mazkur  fanni  turli  soha  yo’nalishlari  bilan 

mustahkam  aloqadorlikda  o’rganishga  bo’lgan  ehtiyoji  kuchaydi.  Binobarin, 

umumta`lim  maktablarida    tarix    fanini    milliy    istiqlol    ruhida    yangilash,  

tariximizning  hali  o`qilmagan  sahifalarini  tiklash,  soxtalashtirishni  oldini  olish  

masalalariga  jiddiy  e`tibor  qaratildi.   

Bosib  o`tilgan qisqa  bir  muddatda  tarix fani  darsliklari   yangilandi. Uning  

maqsad  va  vazifalari  belgilandi. Tarix ta'limining maqsadi: 

-  O’quvchilar  ongiga  insoniyat  hayotining  eng  qadimgi  davrlaridan  XX  asr 

boshlariga qadar ijtimoiy, iqtisodiy va madaniy rivojlanish bosqichlari to’g`risidagi 

bilimlarni singdirish; 

- O’quvchilar tarixiy tafakkurini shakllantirish orqali tarixiy jarayonga yagona 

hodisa sifatida qarab (o’tmish – bugun – kеlajak), ularda tarixiy bilimlar vositasida 

ijodiy yondashuv malakalarini hosil qilish; 

---

 

14 

-  O’quvchilarni  tarixiy  voqеalarni  idrok  etishga  yo’naltirish  orqali  ularning 

o’zligini  anglash,  shaxs  sifatida  kamol  topishiga  yordam  bеradigan  tushunchalar, 

milliy, umuminsoniy qadriyatlar ruhida tarbiyalash; 

-  O’quvchilarga  tarix  o’z  millati  va  o’zga  millatlarning  siyosiy,  iqtisodiy, 

madaniy rivojlanish qonuniyatlarini izchil o’rganish quroli ekanligini anglatishdir. 

Tarix fanining o’rganish ob'еkti xalqlarning o’tmishi, bashariyatining tabiiy va 

ijtimoiy  (inson  –  tabiat  –  jamiyat)  hayotni  o’rganishdan  iborat.Ushbu  ob'еkt 

quyidagilarni o’z ichiga oladi: 

-  tarixiy  makon,  tarixiy  davr,  tarixiy  –  ijtimoiy  harakat,  uni  harakatga 

kеltiruvchi kuchlar: ijtimoiy guruh,  tabaqa, qabila, urug`, xalq, millatlar va ularning 

taraqqiyoti bosqichlari; 

-  siyosiy  tarix,  davlatlarning  paydo  bo’lishi  va  rivojlanishi,  etnoslar  tarixi  – 

qabila – urug`, xalqning vujudga kеlishi, turmush tarzi, o’lka tarixi. 

Maktab  tarix  kursining  asosiy  mazmuni  Vatan  va  jahon  tarixida  o’z  ifodasini 

topadi.  Vatan  tarixi  tarkibida  o’lka,  shahar,  tuman,  qishloqlar  tarixi,  ya'ni 

o’lkashnoslik muhim ahamiyat kasb etadi. 

 O’quv  prеdmеtining  tayanch  o’quv  rеjasidagi  o’rni    quyidagicha