Tarix fanlari kafedrasi ummatov mirzohid zokirjonovich

Ikkinchi guruhga mansub adabiyotlarning mualliflari asosan rossiyalik olimlar, harbiylar, sayyoh va elchilar hisoblanib, ular XIX asr o`rtalaridan boshlab O`rta Osiyo xonliklari atroflicha o`rganishga harakat qilganlar. Ularning asarlarida asosiy e`tibor O’rta Osiyo xonliklarini umumiy tavsifiga qaratilgan bo`lsada, O`rta Osiyo shaharlari to`g’risida ham qimmatli ma`lumotlar qayd qilingan. Jumladan, O`rta Osiyo xonliklarining yirik shaharlari, aholisi, qal`a devorlari, askarlari, siyosiy va iqtisodiy ahamiyati, bozor va karvonsaroylariga oid ayrim qimmatli ma`lumotlar berilgan.
Ikkinchi guruhga mansub adabiyotlarning mualliflari jumlasiga A.P. Xanikov, P.I. Nebol’sin, V.V. Grigor’yev, Ch.Ch. Valixanov, A. Kun, A.P. Xoroshxin, L. Kostenko, M.A. Terent’yev, A.N. Teterevnikov, A.K. Geyns, V.P. Nalivkin va A.I. Dobromislov va boshqalarni kiritishimiz mumkin.
Mavzuga doir uchinchi guruh adabiyotlarini sovet davrida yaratilgan asar va tadqiqotlar tashkil qiladi.
O`zbekiston shaharlari toponomikasi sho`rolar tuzumi davrida alohida tadqiqot sifatida o`rganilmagan bo`lsada, ayrim olimlarning tadqiqotlarida O`zbekiston shaharlari toponomikasiga oid ma`lumotlar uchraydi. Xususan, V.V. Bartol’d, A.L. Troitskaya, R.N. Nabiyev, H.Z. Ziyoyev, H.N. Bobobekov, F.A. Ozadayev, H. Xasanov, M. Ro`ziyeva, G. Agzamova kabilarning asar va maqolalarini kiritish mumkin⁴.
O`zbekiston shaharlari toponomikasiga oid sovet davri adabiyotlari tahlili shuni ko`rsatadiki, ushbu davlatda kechgan siyosiy, iqtisodiy, ijtimoiy jarayonlar kommunistik partiya mafkurasiga bo`ysundirilgan holda, sinfiylik nuqtai nazaridan o`rganilgan.
O`zbekiston shaharlari toponomikasiga doir adabiyotlarning to`rtinchi guruhini iqtiqlol davrida nashr etilgan asarlar tashkil etadi. Mustaqil­lik yillarida O`zbekiston tarixining turli davrlari tarixi ham yangicha qarash va yondashuvlar asosida o`rganila boshlandi.
Mustaqillik yillarida O`zbekiston shaharlari toponomikasiga doir alohida tadqiqot olib borilmagan bo`lsa-da ko`plab tadqiqotlarda mavzuga doir qimmatli ma`lumotlar berildi va berilmoqda. Bunday tadqiqot­lar jumlasiga H.N. Bobobekov, H.Z. Ziyoyev, A. Muhammadjonov, G.A. Agzamova, A.S. Sadullayev, G’. Boboyorov, S. Qorayev, Abdulla Jabbor kabilarning asar, dissertatsiya va maqolalarini kiritish mumkin⁵.
Bular orasida G. A. Agzamovaning tadqiqotlari alohida ahamiyat kasb etadi. G. A. Agzamova tadqiqotlarida XVI – XIX asrlarda O`rta Osiyo shaharlari hayoti va aholisining mashg’ulotlari, hunarmandchilik va savdo­ning holati, shuningdek, Rossiya savdo markazlari bilan iqtisodiy aloqalari, hududlarni o`zaro bog’lovchi yo`llar va ularning faoliyatida yuz bergan o`zgarishlar, hamda yurtimizning ba`zi shaharlari toponomikasi xaqida ma`lumotlar bergan.
Qo`qon xonligi tarixi bo`yicha yirik mutaxassis H. N. Bobobekov o`z tadqiqotlarida Farg’ona vodiysining yirik shaharlari xususan, Qo`qon shahri toponomikasi bo`yicha bergan ma`lumotlari e`tiborga molik.
Shuningdek G’. Boboyorov tadqiqotlarida O`zbekistonning poytaxti Toshkent shahrining o`rta asrlardagi tarixi va toponomiyasi xaqida qimmatli ma`lumotlar berilgan.
Abdulla Jabbor o’zining “Namangan viloyati” nomli asarida Namangan viloyatida joylashgan shahar, qishloq, daryo, soy, kanal, ziyoratgoh, tog’, tarixiy joylarlar tarixi va toponomikasi xaqida qimmatli ma’lumotlar berishga xarakat qilgan.