Tarix fakulteti n. O`. Xolmatov O`rta osiyo arxelogiyasi: tosh asri

1-bosqich. XIX acp oxiri XX asr 1-yarmida O‘rta Zarafshon vohasi tosh davri jamoalari moddiy madaniyatini o‘rganish borasida izlanishlar bo‘lganligi haqida ma’lumotlar mavjud. Bu ma’lumotlar tasodifiy tosh qurollarining topilishi va arxeologik qidiruvlar jarayonida tosh qurollari to‘plamlarining qo‘lga kiritilishi hamda arxeologik qazishma ishlari amalga oshirilganligi bilan izohlanadi. 1930 yili B.M.Kastalskiy tomonidan Samarqand shahari atrofida, aniqrog‘i Darg‘om kanali yon terrasalarida amalga oshirilgan arxeologik qidiruv jarayonida qiziqarli tosh qurollari (o‘q-yoy uchlari, keskich qurollar) to‘plami topilgan. 1939 yili Samarqand shahri markazidagi ko‘l yon terrasalarida Samarqand muzeyi arxeologi N.G.Xarlamov arxeologik qidiruv ishlarini o‘tkazib, tosh buyumlar topgan. SHu asosda yoz oylarida Moskva davlat universiteti arxeologi M.V Voevodskiy hamda geolog V.V.Shumovlar qazishma ishlarini amalga oshirishib, qiziqarli tosh qurollari to‘plamini qo‘lga kiritishgan.