Tarix 6-sinf 1-bilet

Karfagenning vayron etilishi

G`arbiy O`rtayer dengizida birdan-bir xo`jayinga aylanish uchun rimliklar Karfagen bilan janglarga tayyorgarlik ko`ra boshladilar. Rimliklar karfagenliklarga ikki tomondan zarba berishga qaror qilishdi. Bitta armiya Ispaniyada Gannibal armiyasini tor-mor etishi, boshqasi esa Karfagenni bosib olishi kerak edi. BiroqGannibal barcha rejalarni chalkashtirib yubordi. o`tib bo`lmasdek tuyulgan tog`lardan oshgan Gannibal Italiya hududiga bostirib kirdi va miloddan avvalgi 216-yilda Kann yaqinidagi jangda rimliklar armiyasini tor-mor etib tashladi. Bu jangda 70 ming rimlik legionar halok bo`ldi. Mag`lubiyatdan keyin rimliklar hal qiluvchi janglardan o`zini tiya boshladi.Italiya aholisi Gannibalni qo`llab-quvvatlamadi, chunki Karfagan yollanma qo`shinlari mamlakatni talon-toroj qilib tashlagan edi. Urush 15 yilga yaqin davom etdi, rimlik sarkarda Ssipion kutilmaganda qo`shinlari bilan Afrika qirg`og`iga kelib tushganda Gannibal Karfagenni himoya qilishga oshiqdi, ammo miloddan avvalgi 202-yilda uning lashkari rimliklar tomonidan tor-mor etildi. Miloddan avvalgi 183-yilda uzoq surgunda yurganida, rimliklarga topshirish uchun tutishga urinishganida Gannibal zahar ichadi. Rim G`arbiy O`rtayer dengizida mutlaq hokimga aylanadi. Suriya va Makedoniyani bosib olgandan keyin rimliklar Karfagenni bosib olishga qaror qiladilar.