Тарихий манбашунослик

 
11.2.17. “Тарихи Абулфайзхон” 
“Тарихи Абулфайзхон” асарини Убайдаллахон ва Абулфайзхон (1711-
1747 йй.) саройида хизмат қилган мунажжим, шоир ва тарихчи олим 
Абдураҳмон Давлат ёзган. Муаллиф кўпроқ Абдураҳмон Толе номи билан 
машҳур. 
Мазкур 
асар 
ҳажм 
жиҳатдан 
кичик, 
161 
варақ 
бўлиб, 
“Убайдулланома”нинг давоми ҳисобланади ва Бухоро хонлигининг 1711-
1723 йиллар орасидаги ижтимоий-сиёсий тарихини ўз ичига олади. 
Маълумки, ХVIII асрнинг биринчи чорагида Бухоро хонлигининг иқтисодий 
ва сиёсий аҳволи заифлашади, улус бошлиқларининг, яъни маҳаллий 
ҳукмдорларнинг мустақиллик учун олибборган ҳаракати кучайди, уларнинг 
айримлари, масалан, Балх ва Самарқанд марказий ҳукуматга бўйсунмай 
қўйдилар, Фарғона ХVIII аср бошларида, 1709 йили Аштархонийлар 
давлатидан ажралиб чиқди ва ўлкада мустақил Қўқон хонлиги ташкил топди, 
1722 йили Самарқанд ҳам мустақиллик эълон қилди ва Ражабхон исмли 
кимсани хон қилиб кўтардилар (1722-1728 йй.), ўзаро урушлар бошланиб 
кетди.
“Тарихи Абулфайзхон” асарида мана шу масалалар кенг ёритиб 
берилди. Бундан ташқари, асарда Бухоро хонлигининг маъмурий тузулиши 
ва ўзбек халқининг ўша йиллардаги этник таркиби ҳақида ҳам айрим, 
диққатга сазовор далил ва маълумотлар бор. 
“Тарихи Абулфайзхон”нинг тўла русча таржимаси, зарур изоҳлар 
билан 1959 йили А.А.семенов тарафиданг Тошкентда нашр қилинган.
11.2.18. “Cилсилат ус-салотин” 
“Cилсилат ус-салотин” Хожи Мир Муҳаммад Салимнинг асаридир. 
Унинг қўлёзма нусхалари жуда камёб бўлиб, бир нусхаси Англиянинг 
Оксфорд шаҳридаги Бодли кутубхонасида (рақами № 269) сақланмоқда. 
Хожи Мир Муҳаммад Салим ҳеч бўлмаганда бирон кичик вилоятга 
ҳоким бўлиш шарафига муяссар бўлолмаган ва бошидан кўп оғир кунларни 
кечирган Аштархонийлар жумласидандир. Унинг бобоси Турсун Муҳаммад 
султон 1578-1598 йиллари Самарқанд ҳокими бўлган. Унинг тўнғич ўғли 
Поянда Муҳаммад Султон Балх хони Надр Муҳаммадхонга яқин бўлган, 
хоннинг синглиси Зубайда бонуга уйланган ва 1611-1642 йиллари Қундуз 
вилоятига ҳокимлик қилган. Ана шу Поянда Муҳаммад султон билан 
Зубайда бонйдан туғилган Муҳаммадёр султон Хожи Мир Муҳаммад 
Салимнинг бобосидир. У 1645 йилгача Шаҳрисабз вилоятига ҳоким бўлган 
ва Надр Муҳаммадхон Бухоро тахтини ўғли Абдулазизхонга қолдириб 
кетгандан кейин у билан бирга Балхга қочиб борган. Орадан бир йил ўтгач, 
1646 йили, Балх Бобурийлардан Шоҳи жаҳон қўшинлари томонидан ишғол 
этилганлан сўнг, хоннинг онаси Шаҳрибону ҳамда Надр Муҳаммадхоннинг 
бошқа оила аъзоларини олиб Бухорога қочиб келди, Абдулазизихоннинг 

---

қаомоқлар, қорақалпоқ ва қозоқ султонларига қарши ҳарбий юришларида 
иштирок этди, тожу тахт олдида кўрсатган катта хизматлари учун 
Шаҳрисабзга ҳоким қилиб тайинланди. Муҳаммадёр султон 1647 йилнинг 14 
июнида Аврангзеб қўшини билан Балх қишлоғи-Темурободда бўлган жангда 
ҳалок бўлган. Хожи Мир Муҳаммад Салимнинг отаси Муҳаммад Рустам 
султон 1645 йили ҳали ёш бўлган ва Абдулазизихон унга иқтоъ
46
тарзида 
Самарқандга қарашли Сарипул туманини инъом қилган, унга оталиқ
47
қилиб 
эса Мир Шоҳхожа Шавдарийни тайинлаган. Лекин 1671 йили Абдулазиз 
ундан хавфсираб кўзига мил торттириб кўр қилган. Муҳаммад Раҳим султон 
орада кўп вақт ўтмай, амир Муҳаммадёр лтадиқнинг воситачилиги билан, 
хондан рухсат олиб Ҳажга жўнаган. Лекин, Декан вилоятида давом этиб 
турган уруш ҳаракатлари сабабли, бандаргоҳ шаҳарларидан биронтасига 
ўтолмай, Шоҳижаҳонободга қайтиб келган ва орадан икки йил ўтгач, ўша 
ерда вафот этган. 
Мир Муҳаммад Салимнинг ўзига келсак, у, асарда баён этилган 
воқеаларга қараганда, отасидан кейин Бухорода қолган. 1711 йили 
Убайдуллахон ўлдирилгандан кейин, ҳаж қилиш баҳонаси билан 
Арабистонга жўнаган. Бир йилча Исфаҳонда истиқомат қилиб, 1712 йили 
Туркияга борган. Султон Аҳмад 111 (1703-1730 йй.) уни эҳтиром билан 
кутиб олган. Тўрт йилча Туркияда туриб, мазкур султоннинг ҳарбий 
юришларида қатнашган. Мир Муҳаммад Салим 1716 йили Маккага борган ва 
ҳаж маросимини адо этгандан кейин, денгиз орқали Ҳиндистонга келган ва 
Бобурий Носируддин Муҳаммадшоҳ (1719-1748 йй.)нинг хизматига кирган. 
“Cилсилат ус-салотин” асарини Носируддин Муҳаммадшоҳнинг топшириғи 
билан ёзган. Хожи Мир Муҳаммад Салимнинг қачон ва қаерда вафот 
этганлиги аниқланмаган. 
“Cилсилат ус-салотин” 1731 йилда ёзилган бўлиб, муқаддима ва тўрт 
қисмдан иборат.
Муқаддимада асарнинг ёзилиши ҳақида сўз боради ва муаллифнинг 
1711 йилдан кейинги ҳаёти ҳақида айрим, диққатга сазовор маълумотлар 
келтирилади. 
Биринчи қисмда исломиятдан аввал ўтган пайғамбарлар, қадимги 
турклар ва мўғуллар, хусусан барлослар ва Амир Темурнинг ота-боболари, 
Амир Темур ва Темурийлар, шунингдек, ҳазрат соҳибқироннинг 
Ҳиндистонда ҳукмронлик қилган авлоди тарихи қисқача баён этилади. 
Асарнинг иккинчи қисми Мўғулистоннинг Туғлуқ Темурхон(1348-1363 
йй.)дан то Суюрғатмишхонгача (1370-1388 йй.) ўтган даврдаги тарихини ўз 
ичига олади. 
Муқаддима ва I-II қисмларни ёзишда муаллиф ўзидан аввал ёзилган 
асарлардан, 
масалан, 
Жувайнийнинг 
“Тарихи 
жаҳонкушой”, 
Рашидуддиннинг “Жомеъ ут-таворих”, Шарафуддин Али Яздийнинг 
46
Иқтоъ(араб. кесим)- ўрта асрларда Яқин ва Ўрта Шарқ мамлакатларида олий ҳукмдор тарафидан шаҳзода 
ва йирик амирларга катта хизматлари эвазига инъом қилинган ер-сув, мулк.
47
Оталиқ - ўрта асрларда Ўрта Осиё хонликларида амалда бўлган олий мансаб эгаси, шаҳзодаларнинг 
тарбиячиси ва валийси.

---

“Зафарнома”, Мирзо Улуғбекнинг “Тарихи арбаъ улус”, Хондамирнинг 
“Хулосат ул-ахбор”, “Ҳабиб ус-сияр” ва “Маосир ул-мулук” асарлари, 
Абулфазл Алломийнинг “Акбарнома”, Ҳофиз Дўстмаҳаммад ибн Ёдгорнинг 
“Мажмаъ ул-ажойиб” (1606 йили ёзилган) ва бошқа 20 га яқин китоблардан 
фойдаланган.
“Cилсилат ус-салотин”нинг III-IV қисмлари фавқулодда аҳамиятга эга 
бўлиб, Ўрта Осиё, хусусан Ўзбекистоннинг ХVI-ХVIII асрнинг биринчи 
чорагидаги ижтимоий-сиёсий тарихини баён қилади.
Асарда Бухоро хонлигининг Эрон, Ҳиндистон ва Кошғар билан бўлган 
алоқалари, 
Бухоро 
хонлигида 
ҳокимиятнинг 
Шайбонийлардан 
Аштархонийлар қўлига ўтишининг аниқ тафсилоти, ХVII асрда Балх ва 
Бадахшон, шунингдек, Ўзбекистоннинг ижтимоий-сиёсий ва маданий ҳаёти, 
Шоҳижаҳоннинг Балх ва Бухоро хонлиги ички ишларига қуролли аралашуви 
ва Бобурийлар қўшинининг Балх ва унга тобе бўлган ерларни босиб олиши, 
Хорахмнинг ХVI-ХVII асрлардаги сиёсий аҳволи хусусида бошқа 
манбаларда учрамайдиган қимматли далил ва маълумотлар келтирилади. 
Асарда улус тизими, тиул ва солона каби солиқлар, Ўзбекистон шаҳарлари, 
уларнинг аҳолиси ва турмуш тарзи ҳақида келтирилган маълумотлар ҳам 
алоҳида қимматга эгадир.
Хожи Мир Муҳаммад Салим Бухоро хонлари, Абдуллахон II, 
Абдулмўминхон, 
Динмуҳаммадхон, 
Имомқулихон, 
Абдулазизхон, 
Субзонқулихоннинг Ҳиндистон, Эрон ва Туркия ҳукмдорлари билан 
ёзишмаларининг 20 нафар мактуби нусхаларини ҳам келтирган. Бу 
мактублар, шубҳасиз, Бухоро хонлиги билан мазкур мамлаватлар ўртасидаги 
муносабатлартарихини ўрганишда муҳим маъно касб этади.