Tarbiyaviy soat” mashg`ulotlarini tashkil etish bo`yicha sinf rahbarlari uchun metodik qo`llanma

29-mavzu: Nonning ushog`i ham – non

I.Kirish:

Tarbiyaviy mashg`ulotning maqsadi:O`quvchilarga nonni isrof qilmaslik,”Non ham non,

nonning ushog`i ham non” maqolning mazmunini ochib berish.

O`quvchilarga nonni e`zozlashga, bobodehqonlarimiz, ota- onalarimiz mehnatini

qadrlashga o`rgatish.

O`quvchilarni mustaqil izlanishga undash,ijodiy fikrlash qobiliyatini rivojlantirish.

Tarbiyaviy mashg`ulotning jihozi:DVD,disk, tarqatma material,rasmlar,plakat.

tushuntiruvchi chizmalar va diyorimiz go`zalligiga oid kadrlar

Tarbiyaviy mashg`ulotning borishi:

Tashkiliy qism:

O`quvchilarning mashg`ulotga tayyorgarligi.

a)Psixologik muhit yaratish.

b)Navbatchi hisoboti.

II.Asosiy qism:

O`g`lim,nonni yerga tashlama,

Hurmati zo`r, qadri zo`r nonning.

Zamirida tog`dek beqiyos,

Mehnati bor bobodehqonning.

Bugungi mashg`ulotimizda bizga qadrli bo`lgan aziz ne`mat – nonning paydo

bo`lishida insonlar mehnati,uni isrof qilmaslik haqida tushunchaga ega bo`lamiz.

Xalq mehnati mahsuli nondir. U hayotning asosi, inson aqlu zakovati va odamlar

uchun kundalik oziq, mamlakat boyligi, tinchlik – ramzi hisoblanadi.Kimki mehnat

qilmasa, nonning qadrini bilmasa, o`z xalqining chin farzandi bo`la olmaydi. Non

bizning dasturxonimizga yetib kelguncha qanchadan – qancha mehnatkashlar qo`lidan

o`tmaydi deysiz.Shuning uchun u shunchalar shirin va tabarrukdir.

E`tibor bering. Dastlab urug`lik bug`doy saralanadi, qurutiladi,haydalgan yerga urug`

sepadigan mashinalar yordamida ekiladi. Dehqonlar tinmay mehnat qiladilar.

Bug`doy o`sa boshlaydi. Keyin boshoq tugadi va donlar misoli oltin kabi

yetiladi.Pishib yetilgan bug`doy kombaynlarda o`rib olinadi va doni ajratiladi.Ular

tegirmonda yanchilib, un qilnadi. Qoplarga joylanib, novvoyxonalarga

jo`natiladi.Novvoylar tomonidan turli-tuman bir-biridan mazali nonlar pishirilib

do`kon va bozor rastalariga mashinalarda jo`natiladi.

Mana, ko`rdingizmi non dasturxonimizga yetib kelgunga qadar qancha insonlarning

mehnatini talab qilar ekan.

nonlarning isrof bo`lib, partalar orasida,yerda uvol bo`lib yotishiga yo`l

qo`ymasligingiz kerak.

Non bu –hayot.

Non bu –mo`l – ko`lchilik.

Nonni ko`rsang tezda ol,

Ko`zga surt,qo`yningga sol!kabi hikmatli so`zlarga amal qilib yashashimiz kerak.

III.Yakuniy qism:

O`quvchilar mavzuni qay darajada o`zlashtirganliklarini tekshirish maqsadida

Tarqatma kartochkalar tarqatiladi. `

1.Non qachon paydo bo`lgan?

-Olimlarning taxminicha, nonning paydo bo`lganiga 15ming yildan oshgan.

2.Birinchi marta oshirilgan xamirdan qayerda foydalanishgan?

-Qadimgi Misrda birinchi marta oshirilgan xamirdan foydalanish odat tusiga kirgan.

3.O`zbekistonda nonning necha xil turi mavjud?

-Yurtimizda nonning 50 dan ortiq turi mavjud.

4. “Tarmoqlash” texnologiyasidan foydalanib nonning turlarini yozib ko`rsatish

mumkin.

Obinon, patirnon, shirmoy non, Samarqand noni, lochira, qotirma non, qatlama non,

jizzali non, churraknon, kulcha non kabi nonlarimiz ta`rifi yetti iqlimga tarqagan.

Endi bolajonlar, sizlar bilan bobodehqonlarimiz va novvoylarimiz mehnatlarini sanab

mana bu jadvalga joylashtiramiz.

Test savollari

1.Non turlari qaysi qatorda to`g`ri ko`rsatilgan?

A.Makaron, lag`mon, lochira.

B.Bulochka, pirojniy, keks.

D.Lochira, norin, tort.

E.Patir non, obinon, jizzali non.

2. Bug`doy qanday mashina yordamida yig`ib olinadi?

A. Kombayn.

B.O`roq.

D.Buldozer.

E.Tegirmon.

3.Dasturxon ko`rki nimada?

A. Sharbat.

B. Meva.

D.Non.

E.Shirinlik.

O`quvchilarni rag`batlantirish.