Tarbiyachilar uchun uslubiy qo`llanma Qo`qon 2021

Xulosa va tavsiyalar

Shuning uchun ham ta’limning barcha bosqichlarida ona tilidan ta’lim berish; ona tili ta’limiga qo‘yilgan davlat talablaridan kelib chiqgan xolda amalga oshiriladi. Maktabgacha ta’limda ona tili ta`limiga qo‘yilgan talablardan biri bolalar nutqini o‘stirish, o‘z fikr, istagini aniq, tushunarli, mazmunli bayon etishga o‘rganishi, bolalar so‘z boyligini oshirish, maktabgacha ta’limning oxirida 3000 dan ortiq so‘zni bilish, tushunishi va nutqda qo‘llash malakalarini shakllantirishdan iboratdir. Chunki yoshlikdan boshlab bolalarni fikrlashi, tafakkuri; ona tilida o‘z fikrini bayon etishi ona tilini amaliy o‘rganishdan iborat bo‘lib, bola shaxsini shakillantirishda muhim ahamiyatga ega.

Shuning uchun xam “ Kadrlar tayyorlash millliy dasturi” ga ko‘ra maktabgacha ta’lim tizimida bolalarni ona tilida so‘zlash, o‘z fikrini aniq bayon etish, boshqalar fikrini tinglashga o‘rgatib boriladi, bolalarda ona – tiliga xurmat, tildan to‘g‘ri fodalanish , nutq odobiga rioya qilish kabi nutqiy malakalarni shakllantirib boriladi.

Chunki I.A. Karimov aytganlaridek, “ Demokratik jamiyatda bolalar, umuman, har bir inson erkin fikrlaydigan etib tarbiyalanadi. Agar bolalar erkin fikrlashni o‘rganmasa berilgan ta’lim samarasi passiv bo‘lishi muqarrardir. Albatta bilim kerak. Ammo bilim o‘z yo‘liga. Mustaqil fikrlash ham katta boylikdir”

Yuqoridagi fikrdan ko‘rinib turibdiki maktabgacha yoshdan bolalarni erkin fikrlashi, nutqda so‘zni o‘rinli qo‘llay olishi, o‘z nutqining mazmunini to‘g‘ri tuzishi ona tilini o‘rganishi asosiy omil hisoblanadi.

Ma’lumki, maktabgacha ta’limda bolalar nutqini o‘stirish, o‘z fikrini mazmunli, tushunarli bayon etishga o‘rgatish, nutqda so‘zni to‘g‘ri qo‘llash, nutq odobini egallashni tarbiyalash kabi serqirra vazifani bajaradi. Ya’ni go‘zal ahloq, insonparvarlik kabi xislatlar ona tili orqali bolalarga singadi. I. A. Karimov ona tilining mohiyati unga muhabbat tuyg‘usining ahamiyati haqida fikr yuritib, “ jamiki ezgu fazilatlar inson qalbiga, avvalo, ona allasi, ona tilining betakror jozibasi bilan singadi.