Tarbiya: muammo, yechim

GEOGRAFIYA DARSI SAMARADORLIGINI OSHIRISHDA INNOVATSION 
USULLAR 
Atajonova Muqaddas
Urganch shahar 7-sonli maktabining geografiya fani o'qituvchisi 
Annotatsiya: 
Ushbu maqola dars sifatini, uning samaradorligini oshirishda
 
muhim 
ahamiyat kasb etadigan pedagogik jarayonlar hamda unda geografiya fani o„qituvchisining o„rni 
va ahamiyati, o„quvchilarimizni bu fanga qiziqtirishning innovatsion usullari haqida yozilgan. 
Kalit so`zlar: 
innovatsiya, pedagogika, axborot, dars, ta‟lim, kompetensiya. 
Davlatimizning keng va istqibolli siyosatidan kelib chiqib aytish mumkinki, Yurboshimiz 
tomonidan qabul qilinayotgan har qanday qaror, har qanday topshiriq zamirida kelajagimiz 
tayanchi bo`lgan yoshlarimizni har tomonlama yetuk va barkamol qilib tarbiyalashdek muhim 
vazifa mujassam. Bu vazifalarni bajarishda o`qituvchi faoliyatida yangicha yondashuv, yangi 
pedagogik va axborot texnologiyalarini joriy etish, ta‘lim mazmuni va sifatini oshirish katta 
ahamiyat kasb etmoqda. O`qituchining asosiy vazifalaridan biri o`quvchilarni bilim olishga 
o`rgatish, ya‘ni axborotlarni mustaqil qidirib topish, uni anglab yetish va qo`yilgan muammo va 
yechimlarga ijodkorlik bilan yondashish kabi malakalarni tarkib toptirishdan iboratdir. 
Jadal sur‘atlar bilan rivojlanayotgan fan, madaniyat, texnika, madaniyat, texnologiyalar 
sharoitida, pedagoglarga nisbatan qo`yiladigan talablar yanada kuchaymoqda. Ta‘lim-tarbiyaning 
bugungi kundagi asosiy vazifasi o`quvchilarni axborot texnologiyalaridan unumli foydalanishga 
o`rgatish, uzluksiz o`rganish uchun ma‘qul muhit, shart-sharoit yaratish, dars jarayonida 
innovatsion usullardan foydalanib ta‘lim sifatiga erishishdan iborat. 
Biz mutaxassislarga ma‘lumki, geografiya darsini loyihalashda zamonaviy pedagogik 
texnologiya va axborot texnologiyalaridan foydalanish, unga muvofiq ta‘lim vositalarini 
qo`llashni taqozo etadi. Ayniqsa, ta‘lim jarayonini samaradorligini oshirishda yangi ta‘lim 
texnologiyalari katta samaraga bermoqda. 

---