Tarbiya: muammo, yechim

METODLARNING ROLI 
Mangliyeva Zarina G'ofurovna
Olot tumani 33 -sonli maktabning boshlang‘ich sinf o'qituvchisi 
Hozirgi zamon psixologiyasida shaxsni tadqiq qilish masalasi dolzarbligi bilan boshqa 
psixologik kategoriyalar orasida alohida ahamiyat kasb etadi. Chunki erkin bozor iqtisodiyotiga 
o‘tishning o‘zi shaxsda shakllanib ulgurmagan sifat, xissiyot, fazilat singari sub’ektiv 
imkoniyatlarga ega bo‘lgan milliy, umumbashariy, insoniy qiyofa oldiga yangi talablar qo‘yadi. 
Buning oqibatida hayot va faoliyat odamdan xali ro‘yobga chiqmagan ichki imkoniyatlari, 
zaxiralari namoyon bo‘lishini taqozo qiladi. Shaxsiy va ijtimoiy turmushda yuz berayotgan 
o‘zgarishlar, islohotlar insonni zamon talabiga moslashishning ehtiyoj va zaruriyat darajasiga 
ko‘taradi. Ana shunday zaruriyatlardan eng asosiysi shaxsni erkin va mustaqil fikriga ega 
bo‘lishidir. 
Bugungi kunda ta’lim - tarbiya sohasida faoliyat yuritayotgan pedagoglarning asosiy 
maqsadi ham mustaqil fikrlaydigan, milliy va umuminsoniy qadriyatriyatlarga xurmat bilan 
qaraydigan, o‘zining e’tiqod va qarashlariga ega bo‘lgan o‘quvchi yoshlarni tayyorlash ishidir. 
Quvonarlisi shuki, ta’lim- tarbiya sohasida olib borilayotgan izlanishlar va islohotlarning asosiy 
mazmuni ham ana shu masalaga qaratilgan. Quyida biz bayon qilmoqchi bo‘lgan mulohazalar 
ham ta’lim sohasiga shiddat bilan kirib kelayotgan interaktiv metodlar va ularni qo‘llashda 
o‘quvchilarning mustaqil fikrlashga o‘rgatish masalasi xususidadir. Interaktiv metod – shunday 
metodki, u orqali taklif etilayotgan faoliyat turiga bolaning shaxsan bevosita ishtiroki talab 
etiladi. 
Inteaktiv metoddan foydalanayotganda bir-biriga zid bo‘lgan masalalar, hayotiy 
vaziyatlar modellashtiriladi, hamkorlikda yechish uchun muammoli vaziyatlar taklif etiladi. 
Shu tariqa interaktiv metod o‘quvchi uchun guruhda hamkorlik va tushunish muhitini yaratish 
imkoniyatini beradi. Bunday muhit so‘zlashuv madaniyatini tarbiyalash maqsadida yaratiladi 
va o‘z navbatida bilish jarayonini nafaqat axborot orqali, balki sezgi va harakat orqali 
egallanadi. 

---