“Тарбия биз учун ё ҳаёт ё мамот, ё нажот ё ҳалокат, ё саодат ё фалокат масаласидир”

• Болалар ва катталар ўртасидаги фарқ улар ўйнаётган ўйинчоқларнинг нархида. Р. Фрост
• Болалик − бу кўплаб саволлар, имкониятлар ва оқибатлар даври. А.Адлер.
• Тарбияси оғир болалик ҳеч қачон тугамайди. Е.Урбан.
• Болаларни ҳаёт муаммоларидан ҳадеб ҳимоя қилаверманг. Чунки улар ҳам келгусида яшаш учун курашиб, муваффақиятга эришиш учун ҳаётий тажриба орттиришлари керак. Э. Кюблер-Рос
• Яхшилик орқали зиён етказиш мумкин. Шундай экан, яхшилик қилишдан олдин ҳамма томонини обдон ўйлаб кўр. Хун Цзы Чен
• Ётадиган хазиналар бор, юрадиган хазиналар ҳам бор. Л. Леонов
• Биз одатда ҳаётда эътибор қилмайдиган нарсаларимизни китоблардан ютоқиб ўқиймиз. Э. Кроткий
ЖАНУБИЙ КОРЕЯ
Жанубий Кореяда юксалиш арафасида “табиий ресурслар чекланган, ижодга эса чегара йўқ” деган шиор кўтарилган экан. Бу – юксак интеллект комил инсон фазилатларининг гултожига айлантиришни англатар эди.
АҚШ
«Америка — 2000: таълимни ривожлантириш стратегияси(1991)» дастурида етук шахсга хос фазилатлар сифатида ростгўйлик, мақсадда собитқадамлик, тўғрилик(рўй-ростлик), пухталик ва шахсий масъулиятга устуворлик берилди. Шунингдек, ёш америкаликларда жасурлик, фидойилик, барқарорлик, қатъийлик, тиришқоқлик, ҳамдардлик, бағрикенглик сингари 60 та асосий фазилат шакллантирилмоқда.
БУЮК БРИТАНИЯ
Таълим бўйича Миллий комиссия (1993) мактабга: ёшларда ҳақиқатпарварлик, бошқаларга ҳурмат, жамият олдида бурчга содиқлик, одамларга ғамхўрлик, маданий меросга ҳурматни шакллантириш, демократик эркин жамият фуқаролари бўлиш, бағрикенглик фазилатларини сингдириш, ахлоқан ва маънан кучли шахслар қилиб етиштириш вазифаларини юклади.
ФРАНЦИЯ
Таълим вазирлиги кўрсатмаларида (1985) масъулиятли, ғурурли, ўзгаларни ҳурмат қилувчи, бошқалар билан ҳамкорликка тайёр, ирқчиликка қарши турувчи, мультикультурализмни қабул қилувчи, ўзининг Францияга муҳаббатини Озодлик, Тенглик, Қардошлик ғоялари билан уйғун ривожлантирган демократик жамият кишиси фазилатларига эга шахсни тарбиялаш кўзда тутилган.
ЯПОНИЯ
“Таълим тўғрисида”ги Қонунида мактабга тинчлик ва инсонийлик идеалларига амал қилувчи миллатни шакллантириш миссияси юклатилган. Яъни: шахс сифатларини тўлиқ ривожлантириш; тинчликпарвар давлат ва жамият қурувчиларини тарбиялаш, ҳақиқатпарварлик ва адолатлилик; шахсий эркинлик; меҳнатсеварлик; масъулиятлилик; мустақил фикрлилик; ўзгалар билан ҳамкорлик, мустақил фикрга эгалик; анъанавийлик билан замонавийликни англаш; халқаро ҳамкорликка тайёрлик; кундалик турмуш малакаларига эгалик; руҳан ва жисмонан кучлилик; ўзини бахтли ва бошқалар билан уйғун қила олиш фазилатлари шакллантирилмоқда.