Taqdimoti mavzu: Biologiyani o'qitishda loyihalash texnologiyasi Reja

LOYIHALASH TEXNOLOGIYASI BO'YICHA TALABANING O'Z-O'ZINI NAZORAT QILISHIGA MO'LJALLANGAN O'QUV TOPSHIRIQLARI
Topshiriqning didaktik maqsadi.
Siz o'quv topshiriqlari ustida mustaqil ishlab, biologiyani o'qitish jarayoniga zamonaviy ta’lim texnologiyalaridan biri loyihalash texnologiyalarini qo'llash, mazkur texnologiyalarning o'ziga xos xususiyatlari, o'quvchilarning bilish faoliyatini tashkil etish va boshqarish yo'llari bilan tanishishingiz, metodik bilim, ko'nikma va malakalaringizni, nutq va muloqot madaniyatingizni rivojlantirishingiz zarur.
Matnni diqqat bilan o‘qing, quyidagi savollarga javob toping va topshiriqlami bajaring:
1. Loyihalash texnologiyasining mazmuni va mohiyatini o'rganing.
2. Loyihalarning tasnifini ko'rib chiqing. Uni hamkoringizga tushuntiring.
3. Tadqiqot xarakteridagi loyihalarning o'ziga xos xususiyatlarini aniqlang.
4. Ijodiy xarakterdagi loyihalarning o'ziga xos xususiyatlarini aniqlang.
5. Rolli loyihalarning o'ziga xos xususiyatlarini aniqlang.
6. Izlanish xarakteridagi loyihalarning o'ziga xos xususiyatlarini aniqlang.
7. Amaliy xarakterdagi loyihalarning o'ziga xos xususiyatlarini aniqlang.
8. O'quvchilarda ijodiy faoliyat tajribalarini shakllantirish yo'llarini o'rganib chiqing.
Topshiriqni yakunlash qismi avvalgi mavzulardagi kabi o'tkaziladi.
Biologiyani o’qitishda loyixalash texnologiyasining metodlari Mashg’ulot maqsadi. Biologiyani o’qitishda loyixalash texnologiyasining metodlarini qo’llashning texnolgik bosqichlari va xaritasini tuzishni o’rgatish. Mashg’ulot natijalari. 1. loyixalash texnologiyasining metodi xaqida tushunchalarga ega bo’ladilar. 2. Texologik bosqichlarni tuzishni o’rganadilar. 3. Darslarda loyixalash texnologiyasining usulini qo’llay oladilar. Zarur bo’ladigan materiallar Kodoskop, lineyka, ma’ruza matnlari.
Mashg’ulotning borishi. Loyihalash texnologiyasining asosiy g’oyasi - amaliy yoki nazariy axamiyatga molik bo’lgan muammoni hal etish jarayonida ko’zlangan natijaga erishishdir. Loyihalash texnologiyasining asosiy mohiyati - ma’lum bir muammoli vaziyatni vujudga keltirish orqali o’kuvchilarning qiziqishlarini orttirish, loyihalash faoliyatini shakllantirish; ularning tegishli bilimlarni egallashlari, fanlararo bog’lanishlarni amalga oshirish kerak.