Таълими ходимларини қайта

Машқлар устида ишлаш методикасининг умумий тавсифи

Машқларни еча олиш қатор ўзаро алоқадор ва узвий боғланган қатор хусусий (алоҳида) кўникмаларни ўз ичига оладики, уларни қуйидагича таъкидлаб ўтиш мумкин;

1. 
   Машқни ўқиб чиқиб, уни тушуниш, яъни хар бир иборанинг маъносига етиб, унда тасвир этилган холатни кўз ўнгида гавдалантира олиш;
   
2. 
   Машқдаги шарт ва савол. Маълум ва номаълум нарсаларни ажратиб ола билиш;
   
3. 
   Машқдаги шарт ва савол, берилган ва изланаѐтган маълумотлар ўртасидаги алоқани аниқлай олиш, яъни машқ матнини таҳлил эта билиш ва унинг натижаси ўлароқ, машқни ечиш учун арифметик амалларни танлаб олиш;
   
4. 
   Машқнинг ечими ва жавобини ѐза олиш.
   

Бу кўникмалар мунтазам ва мақсадли амалиѐт жараѐнида қуйидаги босқичларда шаклланади:

1. 
   Тайѐргарлик ишлари .
   
2. 
   Машқ матнини тушунтириш ишлари.
   
3. 
   Машқни таҳлил этиш, уни ечиш йўлини излаш ва ечиш режасини тузиш.
   
4. 
   Ечим ва жавобини ѐзиш.
   
5. 
   Машқ ечилгандан сўнг унинг устида ишлаш. Машғулотларнинг ҳар бир босқичида ўқитувчи масаланинг мазмуни,
   

ўқувчиларнинг тайѐргарлик даражаси, машғулотнинг дидактик ва тарбиявий ҳамда ўзга қатор омилларни назарда тутиб, ечишнинг турли хил методик услубларидан фойдаланади. Масалани ечиш кўникмаларини шакллантириш бўйича методик услубларга қуйидагиларни киритиш мумкин.

1. 
   Масала бўйича ўқувчи билан юзма-юз суҳбат;
   
2. 
   Масалани кўргазмали воситалар ѐрдамида тушунтириш;
   
3. 
   Масалаларни таққослаш;
   
4. 
   Масалани ўзгартириш, ўзгача шаклга киритиш;
   
5. 
   Масалалар шартларида бирор таълимот етишмовчи ѐки ортиқча ҳолатидаги матнини таҳлил этиш;
   
6. 
   Масалаларни ўқувчилар томонидан тузилиши;
   
7. 
   Масалани бошқа усул билан ечиш;
   
8. 
   Масаланинг ечимини текшириш;
   
9. 
   Масала бўйича дифференционал (ҳар бир шароит ѐки ўқувчига мослаб) иш олиб бориш ва бошқалар.