Ta’limga baxshida umr

TA’LIMGA BAXSHIDA UMR
Dunyoda juda ham jozibador, huzurbaxsh, umidbaxsh so‘z borki, uni eshitgan kishining joniga oro kiradi, kelajakka ishonchi yanada oshadi. Bu so‘z – USTOZ! Darvoqe, muallimsiz, ustozsiz hech bir narsaga erishib bo‘lmaydi. Bugungi shiddatkor asrda qanday muvaffaqiyatlarga erishilgan bo‘lsa, albatta, buning zamirida ustozlarning tinimsiz beminnat mehnati, qalb qo‘ri, mehri mujassam.
Fidoyi ustoz, taniqli pedagog Masuda Adilova xalq ta’limi tizimida jonkuyarligi, tashabbuskorligi bilan alohida e’zozlanadi. Chunonchi, ustoz mehnatsevarligi, o‘quvchilar bilan ishlash borasi to‘plagan tajribasi bilan barchaning qalbida chuqur hurmat qozongan.
O‘zining ko‘z nuri, qalb qo‘ri bilan butun borlig‘ini bag‘ishlab, mo‘tabar bo‘lgan, Siz aziz ustozning hech narsa bilan o‘lchab, baholab bo‘lmaydigan mashaqqatli va sharafli mehnatingiz uchun har qancha tahsin va tashakkurlar aytsak arziydi.
Shogirdlarga ma’rifat va ezgulikdan saboq beradigan ustozning bu qadar yuksak qadr va hurmat topishi zamirida, avvalo, mamlakatimizning mustaqillikka erishishi va Prezidentimizning doimiy e’tibori hamda g‘amxo‘rligi mujassam ekanligini alohida ta’kidlashni istardik.
Xalq ta’limi tizimida mustaqillik yillarida amalga oshirilgan islohotlarning muvaffaqiyatli joriy etilishida ustozning xizmatlari beqiyos. Buni biz yosh avlod bugungi kunda faxr bilan tilga olamiz.
O‘qituvchilar ustozi, kamtarin va mehribon ona Masuda Adilova o‘zining muborak 73 yoshini munosib tarzda – do‘stlar, hamkasblar, shogirdlar davrasida kutib olmoqda. Ijodiy faoliyati keng qamrovli va sermazmunligi bilan tilga olinmoqda. Eng muhimi, barchaning hurmatiga sazovor.
Inson umri bilan qiyoslaganda 73 yil – uzoq vaqt. Ammo ta’lim jarayonida bu muddatda ko‘p ishlarni uddalash chinakam jasorat egalarigagina nasib etadi. Siz tufayli bilim olib, kasb-hunar egallagan, shogirdlaringiz ehtiromini qabul qiling!
Umringiz uzoq bo‘lsin aziz ustoz!