Ta’limda innovasion texnologiyalar a. A. Karimov, «informatika va axborot texnologiyalari»

ЎҚУВ-ВИЗУАЛ МАТЕРИАЛЛАР

1-илова
Экранни график режимга ўтказиш. Одатда дисплей экрани матнли режимда бўлади. Экранни график режимга ўтказиш учун Graph InitGraph модул процедураси қўлланилади:
Initgraph(GD,GM,Path)– экранни график режимга ўтказиш.
GD–драйвер номери,
GM–режим номери.
Path–керакли драйверни сақловчи файлга йўл. Агар Path бўш қаторни сақласа(Path="), у ҳолда драйвер жорий каталогдан изланади.
GD ва GM лар ўзгарувчи-параметр ҳисобланади. Initgraph ишга туширилганда GD нолга тенг бўлса, у ҳолда керакли драйвер ва оптимал график режим автоматик равишда аниқланади.





2-илова
Паскал тилининг график операторлари


Graph модулида 80 га яқин процедура ва функция сақланади. Булар ёрдамида нуқталар, оралиқлар, эллипслар, тўғри тўртбурчаклар, кўпбурчаклар чизиш мумкин.
Координата системасини чизишни кўриб чиқамиз:
Экраннинг ҳар бир нуқтаси ўзининг координатасига эга. Юқори чап бурчак–бу (0,0) координатали нуқта. x абциссалар ўқи чапдан ўнгга, y координаталар ўқи эса юқоридан пастга ортиб боради. Масалан, VGAHi (640x480) режимида ўнг чап бурчак координатаси (639,479) дан иборат. Бу ҳолда экраннинг ўртасининг координатаси (320,240) дан иборат. Агар экраннинг ўртасига нуқта қуйиш ҳоҳиши бўлса, уни PutPixel процедураси ёрдамида бажариш мумкин.
PutPixel(X,Y,color) процедура Color параметри билан аниқланган (X,Y) координатали нуқтани буяйди.
GetPixel(X,Y) функция (X,Y) координатали нуқтага ранг қийматини қайтаради. Агар Col- бутун ўзгарувчи бўлса, у ҳолда Col:=GetPixel(50,80); оператори бажарилгандан кейин Col (50,80) нуқтада ранг қийматига эга бўлади.
Line(X1,Y1,X2,Y2) процедураси (X1,Y1) нуқтадан (X2,Y2) нуқтагача оралиқни ўтказади.