Таълим вазирлиги Ўзбекистон Республикаси

6.26-расм. Фирманинг корпоратив имидж структураси

Иш берувчи сифатида ташкилот имиджини яратишда қуйидаги омиллар муҳим роль уйнайди:

• 
  бозордаги ҳолати ва молиявий муваффақиятлари;
  
• 
  фаолият юритадиган тармоғи; фаолиятининг муҳимлиги ва фойдалилиги;
  
• 
  маҳсулот ва хизматларининг сифати;
  
• 
  ёши, ривожланиш тарихи;
  
• 
  ҳажми;
  
• 
  бошқарув тизими;
  
• 
  раҳбарлар имиджи ва унинг менежерлари юқори рейтинги;
  
• 
  ташкилот ҳақида жамоатчилик фикри ва унинг минтақа учун муҳимлиги;
  
• 
  фаолият натижалари бўйича нуфузлилик;
  
• 
  мижозлар ва ҳамкорлар билан муносабатлар;
  
• 
  мжозлар нуқтаи назаридан ҳам, персонал нуқтаи назаридан ҳам ташкилотга ишонч;
  
• 
  қулай меҳнат шароитлари;
  
• 
  корпоратив маданият;
  
• 
  персоналга тақдим этиладиган компенсация ва ижтимоий пакетлар;
  
• 
  ходимнинг ривожланиш, карьера қилиш, мутахассис сифатида рақобатбардошлик шакллантириш ва қўллаб-қувватлаш имкониятлари;
  
• 
  жамоадаги ахлоқий-психологик муҳит ва б.
  

Бироқ, иш берувчи сифатида ташкилот нуфузи ва имиджини намойиш этдиган асосий омил бу – унинг кадрлар сиёсатиидир. Ташкилотларда уни шакллантиришга иккита асосий ёндашув юзага келади²³:

1. 
   персонал билан мақсадли йўналтирилган ва тизимли ишлар устунлик қилади. Бундай ташкилотларни бошқалардан ажратиб турадиган жиҳатлар биринчидан, персонал билан барча асосий ишларни тартибга солиш, тизимлаштириш, расмийлаштириш ва стандартлаштишига интилиш, иккинчидан, мавжуд HR-воситалардан фаол фойдаланиш ва такомиллаштири ҳисобланади. Бу ёндашув купинча персонал сони 300 кишидан ўн минглаб кишигача бўлган йирик ва ўрта корхоналар томонидан фойдаланилади (гарчи
   

²³ Мусаева А.З. Маркетинг персонала организации // Вопросы структуризации экономики. 2013. № 2. С. 144—146.
ходимлар сони кам – 100 киши атрофида бўлган ташкилотлар ҳам учраб турса-да);

2. 
   персонал билан ишлаш тартибсиз характерга эга бўлиб, кўп жиҳатдан юзага келадиган вазиятга боғлиқ. Бу ташкилотлар учун персонал билан ишлашда умумий стандарт тартиб-таомиллар йўқлиги хосдир. Персонални бошқаришнинг асосий босқичлари билан боғлиқ қарорлар вазиятдан келиб чиқиб, соғлом фикрга амал қилган ҳолда қабул қилинади. Персонални бошқариш функцияси ўз-ўзидан компаниянинг барча менежерлари ўртасида тақсимланган бўлади (на ихтисослашган хизмат, на HR-менежер мавжуд). Бундай ёндашув кўпинча ходимлар сони 100 кишидан 300 кишигача бўлган компаниялар учун хос. Молиявий холдинг тамойили бўйича ташкил қилинган, кичик ва етарлича мустақил компаниялардан ташкил топган ташкилотлар истисно ҳисобланиши мумкин.