Таълим вазирлиги ўзбекистон давлат жаҳон тиллари университети

1.1. Milliy Tv медиабозорга хусусий телеканалларнинг кириб 
келиши ва ривожланиши 

Ўзбекистонда нодавлат телевидениелар 90-йилларнинг бошларида 

вужудга келди. Нодавлат радиоканаллар тараққиёти дастлаб пойтахтда жадал 
ривожланган бўлса, нодавлат телеканаллар асосан вилоятларда тараққий 
этди. Кейинчалик пойтахтда ҳам нодавлат каналлар пайдо бўла бошлади.
Мамлакатимизда хусусий телеканаллар эволюциясини қуйидаги 
даврларга бўлиш мумкин: 
1-босқич. Ўзбекистонда хусусий телеканалларнинг пайдо бўлиш даври 
(1990-1997 йиллар); 
2-босқич. Пойтахтда хусусий телеканалларнинг ривожланиши ва 
вилоятлардаги нодавлат телеканалларнинг инқироз даври (1997-2010); 
3-босқич. Хусусий телеканалларнинг тикланиш ва тараққиёт даври (2010 
йилдан то ҳозирги давргача);
Хусусий телеканаллар эволюциясининг дастлабки даври 1990-1995 
йилларга тўғри келади. Биз бу даврни 
“Ўзбекистонда хусусий 
телеканалларнинг пайдо бўлиш даври”
деб номладик. Вилоятларда 
фаолият олиб бораётган телеканаллардан энг биринчиси Самарқандда пайдо 
бўлган. Шундай қилиб, республикамиздаги биринчи хусусий телевидение 
СТВ ҳисобланади.
Шу билан бирга дастлабкиларидан яна бири – Тошкент вилоятидаги 
“Чирчиқ ТВ” жамоасидир. Шаҳар телемаркази 6 кишидан иборат 
ташаббускор гуруҳ ўз телевидениесини ташкил этиш учун ғайрат билан 
киришган маҳалда мустақилликнинг илк шабадалари энди эса бошлаган эди. 
Улкан ўзгаришлар, янгиликлар даврида 1990 йил декабрда телевидениенинг 
очилиши Чирчиқда ўзига хос воқеа бўлди. Чирчиқ шаҳар ҳокимиятининг 

---

11 
муассис сифатида телевидениени ҳар жиҳатдан қўллаб-қувватлаш натижаси 
ўлароқ, Чирчиқ телевидениеси ижодкорлари телелаборатория тажрибаларини 
ўрганишди, монтаж, тасвир жапраёнларини бевосита шаҳар шароитида 
синовдан ўтказишди. 1994 йили ўз кўрсатувлари, телемарказнинг ўз эфир 
вақти юзага келди. Мақсад – пойдевори мустаҳкам, доимий ва ҳаммага 
манзур телевидениени вужудга келттиришдан иборат эди. Телевидение 
нафақат Чирчиқ шаҳри, балки Қибрай ва Бўстонлиқ туманларини ҳам қамраб 
олган. Қарийб 120 000 кишилик томошабинларга эга бўлиб, энг фаол 
телевидениелардан бири сифатида ном қозонди. Шу зайл вилоятларда ҳам 
кетма-кет телеканаллар очила бошлади.