Таълим вазирлиги термиз давлат университети Саноат технологиялари

Ишнинг мақсади. озик-овкат хом-ашёсидан совун олиш ва намунада ёг кислотаси миқдорини аниқлаш,
Керакли жиҳозлар ва реактивлар: чинни стакан (100-150 мл ҳажмли, 2 дона),100-250 мл ҳажмли колба, шиша таёқча, ёг, натрий гидроксиди, этанол
ёки прапанол, натрий хлориднинг туйинган эритмаси (р=1,16-1,18 кг м³),атир совун, хлорид кислота.
Ишнинг бажарилиши. Совун олиш. Натрий гидроксидининг спиртдаги эритмаси билан ёғлар гидролиз қилинади. Бунинг учун 6г ёг ўлчаб олиниб, чинни стаканга солинади ва суюқлангунча қиздирилади. Натрий гидроксид эритмаси 2,5 NaOHни 6мл сув ва 15 мл этанол ёки прапанол-1да эритиб тайёрланади. NaOHнинг спиртдаги эритмаси суюқланган ёғ устига аралаштириб турилган ҳолда қуйилади. Ҳосил бўлган эритма 10-15 минут қайнатилади, сўнгра унинг устига 10-15 мл натрий хлориднинг туйинган эритмаси қуйилади ва совук сувли ҳаммомда совутилади. Аралашма юзида ҳосил бўлган совун қаватини стакандан ажратиб олинади, фильтр қоғози билан яхшилаб қуритилади ва ўлчанади. Олинган ёғга нисбатан совуннинг унуми аниқланади.
Ёғ кислоталари миқдорини аниқлаш. 5г атир ёки кир совун ўлчаб олинади ва юпқа қаватларга бўлиб кесилади, 100 мл ҳажмли стаканга солиниб, унинг устига 50 мл дистилланган сув қуйилади ва совун тулик эриб кетгунча ёпиқ электр плиткасида қиздирилади. Ҳосил бўлган эритмага 10 мл (1:1нисбатда) суюлтирилган хлорид кислотаси қуйилади ва эритма устида мойсимон кават ҳосил булгунча давом эттирилади. (стакандаги эритмага шиша таёқча ботириб қўйсангиз тажриба яхши боради). Сўнгра стакан совутилади, шиша таёқча олинади, ҳосил бўлган тешикчадан суюқлик қуйиб олинади. Стаканга қолган ёг кислоталари фильтр когози устига олиниб қуритилади. Стакан деворида қолган қолдиқларни скальпель билан олинади. Олинган ёг кислоталари ўлчанади ва олинган совуннинг масссасига асосланиб намунадаги ёг кислоталарининг фоиз миқдори ҳисобланади. Иш тугагач совун таркибини қисқача ёзинг, тажрибани утказиш усулини баён килинг, совун унуми ва ёғ кислоталари унумини фоизларда ҳисоблаб топинг.