Таълим вазирлиги самарқанд иқтисодиёт ва сервис институти

9440 “Келгусида солиқ базасидан чегириладиган ҳисобот давр 
харажатлари”- ушбу актив, вақтинчалик (транзит) счѐтнинг дебетида 
йил мабойнида корхонани келгуси фаолиятини ривожлантиришга 
сарфланган давр харажатлари (янги ишлаб чиқаришни ва янги 

---

технологияларни ўзлаштиришга, бошқарув тизимини яхшилашга 
сарфланган ва бошқа шу каби операцион харажатлар) акс эттирилади. 
Ушбу счѐтда акс эттириладиган харажатларнинг аниқ турлари ва 
таркиби «Маҳсулот (иш, хизмат)ларни ишлаб чиқариш ва сотиш 
харажатлари ҳамда молиявий натижаларни шакллантириш тўғрисида 
Низом»нинг «Келгусида солиқ базасидан чегириладиган ҳисобот давр 
харажатлари» номли 2- иловасида тўлиғича келтирилган. Ушбу турдаги 
давр харажатлари солиқ қонунчилигига кўра келгуси 10 йил ичида бир 
маромда солиқ базасидан махсус ҳисоб-китоб асосида чиқариб 
борилади. Харажатларнинг аниқ турлари ушбу счѐтнинг дебетида ва бу 
харажатларни ифодаловчи счѐтларнинг кредитида (1000, 5110, 5010, 
6010, 6710, 6520, 6990 ва бошқа счѐтлар) акс эттирилади. Йил охирида 
9440- счѐтнинг дебетида тўпланган сумма унинг кредитига ва 9900 
―Охирги молиявий натижа‖ счетининг дебетига ѐзилади ва шу асосда у 
ѐпилади. Келгусида солиқ базасидан чегириладиган ҳисобот давр 
харажатларини ўзгариши тўғрисидаги маълумотлар махсус балансдан 
ташқари 012 ― Келгусида солиқ базасидан чегириладиган ҳисобот давр 
харажатлари‖ счѐтида белгиланган муддат ичида акс эттирилиб 
борилади. 
 
Молиявий фаолият бўйича харажатларнинг ҳисоби. 21-сон 
БҲМС га мувофиқ корхоналарнинг молиявий фаолиятга доир 
харажатларининг ҳисоби қуйидаги счѐтларда олиб борилади: 

9610 “Фоиз кўринишидаги харажатлари”- ушбу актив, 
вақтинчалик (транзит) счѐтнинг дебетида йил мабойнида олинган 
қарзлар ва кредитларга доир ҳисобланган харажатлар, шунингдек узоқ 
муддатли ижара учун тўловлар акс эттирилади. Харажатларнинг аниқ 
турлари ушбу счѐтнинг дебетида ва 6920 ―Ҳисобланган фоизлар‖ 
счѐтининг кредитида акс эттирилади. Йил охирида 9610- счѐтнинг 
дебетида тўпланган сумма унинг кредитига ва 9900 ―Охирги молиявий 
натижа‖ счетининг дебетига ѐзилади ва шу асосда у ѐпилади. 
