Таълим вазирлиги самарқанд иқтисодиёт ва сервис институти

7.4. Мажлис самарадорлигининг шароитлари
Ҳар қандай мажлис (кенгашининг) самарадорлиги қуйидаги бешта шарт-шароитдан келиб чиқади:

1. 
   Маъмурий - ҳуқуқий шароитлар. Бошқарувнинг бошқа фаолитя тури каби мажлислар ҳам маълум вазифа, мажбурият ва ҳуқуқларни акс эттирувчи маъмурий меъёрлар ва ҳуқуқий асосларга таянади. Мазкур шарт-шароитнинг бажарилмаслиги фодасиз мажлислар йиғишга олиб келади.
   
2. 
   Ташкилий-технологик шарт-шароитлар. Ҳар бир мажлис учун куриладиган масалалар доираси, иштирокчилар сони ва таркиби, давом этиши ва ваколатни белгиланиши зарур. Бундан ташқари турли халақит берувчи тусиқларни йўқотиш масаласи курилиши зарур.
   
3. 
   Ижтимоий псиҳологик шарт-шароитларга раҳбарнинг шахсий фазилатлари ва ташкилотдаги урни киради.
   
4. 
   Физиологик шарт-шароитлар, яъни мажлис ўтказиладиган жойларнинг ишлашга мослашганлиги (мебель, ёруғлик, ҳаво алмашиш, ҳарорат, шовқин ва ҳоказо). Мажлиснинг давом этиши иштирокчиларнинг ҳолатига катта таъсир ўтказади. Масалан: Мажлиснинг 40-60 дақиқаларида эътиборнинг пасайиши кўзатилади, 60-70 дақиқада иштирокчилар гаплашиш ва қимирлашни бошлайдилар, 70-80 дақиқада жисмоний чарчаш пайдо бўлади, 80-90 дақиқада айрим ходимларда депрессия аломатлари пайдо бўлади 90-100 дақиқада "салбий фаоллик" белгилари вужудга келади, фикр ўзгариши мумкин, 120 дақиқада мажлис иштирокчилари ҳар қандай таклифни қабул қилишга тайёр бўладилар.
   

5. 
   Техник шарт-шароитлар, яъни мажлис иштирокчиларининг қуролланганлиги. Бунга тарқатма материалларнинг мавжудлиги, асосий мавзуни баён этишда видео ва аудио қурилмалар LCD проекторлари, кодоскопдан фойдаланиш имконияти назарда тутилади.
   

Мажлис самарадорлигини ошириш бўйича раҳбар қуйидагиларга риоя этиши тавсия этилади. Кенгаш (мажлис) - бу хизмат фаолиятининг энг қиммат турларидан биридир.Мажлисни ўтказишдан олидин ўзингизни текшириб кўринг: Унинг зарурлигига аминмисиз? Одамларни чақирдингизми, муҳокама қилинадиган масалалар бўйича уларнинг фикрларини аниқланг. Мажлис даврида телефонда сўзлашишдан ўзингизни тортинг. Мажлиснинг давом этишини қисқартирмокчи бўлсангиз уни тайёрлашга вақтни аяманг. Қисқа бўлинг! Мажлис регламентига риоя қилинг! Мажлисга фақат кеаркли ходимларни чақиринг. Мажлисга шахсий жавобгарликдан жамоатчилик ҳимояси воситаси сифатида қараманг!