Таълим вазирлиги самарқанд иқтисодиёт ва сервис институти «Менежмент ва статистика» кафедраси

Котировка — товар биржаларида нархларни рўйхатга олиш ҳамда биржа товарларининг нархи.
Лицензия — давлат органлари томонидан маълум хўжалик фаолияти кўрсатиш учун берилган рухсатнома: товарни мамлакатга олиб келиш ёки мамлакатдан олиб чиқиш хуқуқини берадиган; патентлар билан химояланган ихтиролардан, технологиялардан, товар маркаларидан фойдаланиш хуқуқини берадиган.
Марка — сотувчи товарлари ёки хизматларини рақиб товарлари ёки хизматларидан ажратиб олиш мақсадида уларни таниб олишга мўлжалланган ном, атама, белги, тимсол, чизма ёки улар мажмуи.
Марка белгиси (эмблема) — марканинг таниб олса бўладиган, лекин талаффуз қилиб бўлмайдиган қисми (тимсол, тасвир).
Маҳсулотнинг ҳаётий цикли — буюм ният қилингандан у ишлаб чиқариш ва сотувдан олиб ташланишигача бўлган муддат. Маркетингда циклнинг қуйидаги босқичлари кўрилади: 1) вужудга келиши (ишлаб чиқиш, лойихалаш, экспериментлар); 2) ўсиш (буюмнинг бозорда пайдо бўлиши, талабни шакллантириш); 3) етуклик (туркумли ишлаб чиқариш, кенг сотиш); 4) бозор тўйиниши; 5) сотув ва буюм ишлаб чиқаришнинг сўниши.
Меҳнат бозори — меҳнат ҳақи ёки товарлар эвазига ўз иш кучини таклиф қилмоқчи бўлган одамлар мажмуи.
Мижозлар — фирма мижозларининг тузилмаси.
Миллий бозор — мазкур мамлакатнинг ички базорлари мажмуи.
Мода — фаолиятнинг мазкур мухитида, айни вақтда энг оммавий ёки кенг тарқалган услуб.
Молия бозори — инсон ва ташкилотларга қарзга олиш, пул йиғиш ва уларнинг сақланишини кафолатлайдиган имкониятларни такдим этадиган бозор.
Монополистик фаолият — хўжалик субъектлари, ҳокимият ва бошқарув органларининг рақобатга йул қўймасликка ва бу харакатлари билан истеъмолчилар манфаатларини бузадиган қонунга хилоф ҳаракатлари.
Назорат қилинмайдиган (бошқарилмайдиган) омиллар — фирма фаолиятига таъсир қиладиган ва унинг томонидан бошқарилмайдиган маркетинг муҳитининг омиллари.
Назорат қилинувчи (бошқарилувчи) омиллар — маркетинг муҳитининг фирма раҳбарияти ва маркетинг ходимлари томонидан боқариладиган (назорат қилинадиган) омиллари.