Таълим вазирлиги самарқанд иқтисодиёт ва сервис институти «Менежмент ва статистика» кафедраси

Нарх — товарни олиш учун харидор тўлаши зарур бўлган пул суммаси.
Нархга қушимча — харидорнинг алоҳида талабларига мувофиқ белгиланадиган нархга қўшимча.
Ноу-хау — хужжатлар шаклида чизмаийлаштирилган, лекин патентланмаган техникавий, тижорат, иқтисодий ва бошқа билимлар, тажриба, кўникмалар мажмуи.
Ноэластик талаб — нархида бир оз ўзгаришлар бўлишига қарамасдан домий бўлишлик тенденциясига эга талаб.
Паблисити — мазкур ташкилот ва унинг товарлари хақида ахборотни тарқатиш билан боғлиқ иш алоқалари, реклама, тақсимлаш каналларида товарларни суриш шакли.
Рақиб — мазкур бозорда ўхшаш товарни сотаётган фирма ёки алоҳида шахс.
Рақобат (кенг маънода) — қандайдир сохада бир мақсадга эришишга манфаатдор бўлган алохида шахслар (рақиблар) орасидаги мусобақа.
Реклама — ғоя, товар, хизматларни маълум инвестор номидан тақдим этиш ва илгари суришнинг ҳар қандай тўловли шакли.
Рекламация (даъво) — мажбуриятлар номувофиқ бажарилиши муносабати билан берилган арзнома.
Сотишнинг таҳлили — маркетинг стратегияси яроқлигини баҳолаш мақсадида сотиш ҳақида маълумотларнинг батафсил таҳлили.
Сотишни рағбатлантириш — товар ёки хизматни харид қилиш ёки сотишни рағбатлантиришнинг қисқа муддатли ундов чоралари.
Стандартлаштириш — мавжуд ёки бўлажак масалаларга нисбатан умуман ва кўп марта татбиқ этиладиган талабларни белгилаш орқали маълум соҳада энг мақбул даражада тартиблаштиришга йўналтирилган илмий-техникавий фаолият.
Товар — бозорда сотиладиган маҳсулот, олди-сотди объекти; сотиш соҳасига (бозорга) келган маҳсулот ёки хизмат, истеъмолга алмашиниш, олди-сотди орқали келган инсоннинг қандайдир эҳтиёжини қондиришга мўлжалланган меҳнат маҳсулоти.
Товар ассортименти — вазифаси, нархлар кўлами ёки бошқа хусусиятлари ўхшашлиги бўйича бир-бирлари билан узвий боғланган товарлар гурухи.
Товар белгиси — ҳуқуқий ҳимоя билан таъминланган марка ёки унинг қисми.