Заминни сунъий зичлаш усуллари. Заминни сунъий зичлаш усуллари деганда турли механик воситалар ѐрдамида заминнинг юк кўтариш қобилиятини ошириш тушунилади. Ушбу усул икки хил бўлади:
Сиртдан зичлаш усуллари Чуқурдан зичлаш усуллари. Сиртдан зичлаш усуллари.
Катоклар ѐрдамида зичлаш. Бу усул қуйидагича бажарилади: аввал енгил катоклар юритилади (оғирлиги 0,5-1,0 т) сўнг (оғирлиги 5,0-10т) оғирликдаги каток юритилади, сўнгра оғир катоклар (оғирлиги 25-40т) юритилади. Натижада грунт сатхидан 50-60 см қисми зичлашади. Бу усул ѐрдамида грунт сиртини зичлашга оид амал бажарилади ва у лойли, сувли лой ва лойли қумларда яхши натижа беради.
Оғир гурзи ѐрдамида зичлаш. Бунда зичланаѐтган грунт устидан оғирлиги 3 т гача бўлган гурзи 5-6 м масофага кўтарилиб, сўнгра кетма-кет туширилади. Бир нуқтага ўн маротаба урилгач кутилган натижага эришилади. Натижада грунт сатхи 70 см гача пасайиб, унинг таъсири 1,8 м гача етади. Ушбу усул ѐрдамида лѐсс ва лѐссимон грунтлар зичланади.
Чуқур зичлаш усуллари.
Ёғоч қозиқлар ёрдамида зичлаш. Бунинг учун қурилиш майдони томонлари 0,8-1,2 м бўлган квадратларга ажратилади ва ҳар бир квадратнинг ичидан сиқилиш қатлами чегарасигача (Д) етадиган ѐғоч қозиқлар қоқилади, натижада унинг атрофидаги грунт зичланиб ва қозиқ олинади, унинг ўрни эса мустаҳкам грунт билан тўлдирилади. Ушбу усул ѐрдамида лѐсс грунтлар зичланади.
Портлатиш усули. Ушбу усул ѐрдамида қуруқ ҳолатдаги лѐсс грунтлар зичланади. Бу усулда ҳам олдингига ўхшаб томонлари 2,5 м гача бўлган квадратлар ажратилади ва мустаҳкам қатлам чегарасигача бурғуланади. Унинг остига портлатувчи модда солиб портлатилади, натижада 2,5 м гача грунтда зичлашиш юз беради. Портлаш оқибатида ҳосил бўлган бўшлиқни мустаҳкам грунт билан тўлдирилади.
Сув ва титратгич ёрдамида зичлаш. Ушбу усул ѐрдамида асосан қумли грунтлар зичланади. Усулнинг моҳияти олдинги усуллардагидек, яъни қурилиш майдони олдиндан квадратларга ажратиб олинади. Унинг томонлари 0,7-1,3 м оралиғида бўлиб, уларнинг қирраларидан тешикли қувур титратгич ѐрдамида қаттиқ қатлам чегарасигача туширилади. Бу жараѐнда тешикли қувур ичига насос ѐрдамида маълум босим остида сув юборилиб,
қувур ѐнидан ўз оғирлиги ѐрдамида пастлашувчи юмшоқ титратгич қўшимча туширилади. Грунт зарралари орасидаги туташтирувчи кучлар узилиб, улар ўз оғирлиги таъсирида зичлашади ва охирида грунтнинг мустаҳкамлиги олдингига нисбатан бир неча баробар ортади.
Do'stlaringiz bilan baham: |