Таълим вазирлиги Гулистон давлат университети

3. МАШИНА-ТРАКТОР ПАРКИДАН ФОЙДАЛАНИШ.


3.1-МАВЗУ: қИШЛОқ ХЎЖАЛИК ЎСИМЛИКЛАРИНИ
ПАРВАРИШЛАШ ТЕХНОЛОГИЯСИНИ
ИНДУСТРИАЛ АСОСИДА БАЖАРИШ
Режа:
1. Қишлоқ хўжалигида механизацияни роли
2. Ўзбекистои Республикаси туманларида «Машина-трактор парки» (МТП)
бўлимларини барпо қилиш.
3. Қишлоқ хўжалигида машиналардан фойдаланиш шароитлари.
4. Ишлаб чиқариш жараёнларнинг турлари.
5. Машина-трактор агрегати (МТА).
Адабиётлар: 1, 3, 12.


1. Қишлоқ хўжалигида механизацияни роли. Ишлаб чиқариш жараёнларини механизациялаш Ўзбекистон Рсспубликаси фермерлар ва кооператив хўжаликларида қишлоқ хўжалик маҳсулотлари ҳажмини кўпайтириш ва меҳнат унумдорлигини оширишнииг асосий омилидир (воситасидир).
Замонавий техника қишлоқ хўжалик ишларининг қисқа агротехник муддатда ва юқори сифатда минимал иш вақти ҳамда кам пул маблағи сарфида бажарилишига имкон беради. Механизация даражаси ва самарадорлигини оширишда прогрессив технология, фан ва техниканинг замонавий ютуқларига асосланган машиналар комплекси катта аҳамиятга эгадир. У ҳар бир хўжаликда МТПнинг рационал таркибда бўлишига имкон беради ва шунинг билан барча ишлаб чиқариш жараёнларни комплекс механизациялашни ва бунинг базасида унинг юқори самарадорлигини таъминлайди.
2. Машина-трактор парки (МТП). Қишлоқ хўжалик машиналарининг қиймати кескин ошган ва уларни ҳарид қилиш мураккаб иқтисодий масала бўлган бир пайтда фермерчилик ва ижарачилик муаммоси тараққиёти айниқса техникадан самарали фойдаланиш масаласи муҳим аҳамият касб этади. Шу муносабат билан Республикамизнинг ҳар бир туманида МТП бўлинмалари барпо этилган бўлиб, улар давлат кафолатларига асосан дунёнинг етакловчи компанияларидан қишлоқ хўжалик техникасини ҳарид қиладилар ва хўжаликларда шартнома асосида знг мураккаб ва сермеҳнат ишларни бажарадилар. Шунга кўра барча тракторлар, айланма плуглар, ғалла ва пахта йиғиш комбайнлари ва “Кейс” фирмасининг бошқа техникалари ушбу структурага келтирилади.