Таълим вазирлиги а.ҚОдирий номидаги жиззах давлат педагогика

Ким ёр анга илм, толиби илм керак,
Ўргангали илм толиби илм керак! 
Мен толиби илму толиби илме йўқ, 
Мен бормен илм толиби – илм керак. 
Бобур инсон ҳаётида илмнинг беқиёс аҳамиятини таъкидлаш билан 
бирга, кишиларни илм ахтаришга, унга интилишга, илм нури билан ўз 
онгини ёритишга ундайди. Унинг фикрича, илмга бепарволик билан 
эришиб бўлмайди, илмни эгаллашда тиришқоқлик, қунт, сабот ва мақсад 
сари интила олиш қобилиятлари бўлиши зарур. Шу жиҳат Бобурнинг ўғли 
Хумоюнга тилни мукаммал эгалламаганлиги, фикрини равон баён 
этмаганлиги натижасида хати ғализ ва тушунарсиз бўлганлигини ҳам 
насиҳат, ҳам бироз таъна тарзида ёзган хати диққатга сазовордир. 
Бобур, худди Навоий каби, кишиларни ёмон ва яхши гуруҳларга 
ажратар экан, яхши кишилар – одобли, илмли, камтар, халқ учун хизмат 
қилувчилар, ёмон кишилар эса, худбин, амалпараст, бойликка ҳирс қўйган, 
ахлоқий бузуқ одамлардир дея уқтиради. У кишиларни яхши хислатлар 
эгаллашга даъват этади: 
Хулқингни рост қилғил ҳар copuғa борсанг, 
“Аҳсанта” дер бори эл гаряхши от чиқарсанг. 
Мутафаккир фикрича, инсон ўз ҳаётида, хулқ, одобида яхшиликни 
асос қилиб олмоғи керак, ҳар ким қўлидан келгунча кишиларга яхшилик 
қилиши, меҳр-оқибат, ҳурмат кўрсатиши шунингдек, ота-онага, катта-ю 
кичикка, қариндош уруғларга савобли ишлар қилиш даркоp.
Бобурнинг серқирра, ҳаётий ибратга тўла бўлган ўзига хос ҳаёт йўли, 
бугунги ёшлар учун умумбашарий қадриятлар даражасида ибрат ва намуна 
мактаби бўла олади.Ундаги адолатлилик, мардлик, ботирлик, журъат, 

---

244 
зукколик ва донолик, келажакка ишонч билан қараш, ҳар қандай вазиятда 
ҳам ўзини йўқотмаслик, ўзига ва атрофдагиларга нисбатан талабчанлик, 
эл-юрт, Ватан учун фидоийлик, уларга нисбатан ҳар доим дахлдорлик 
ҳиссининг очиқ кўриниб туриши, фарзандлар тарбиясига алоҳида эътибор 
ва бошқа жиҳатлар бугунги замондошларимиз, жумладан, ёшларимизнинг 
маънавий-ахлоқий тарбияси учун муносиб хизмат қила олади.
Зеро, Бобур ижоди ёшларнинг онгига тарихий ҳақиқатни сингдириш, 
уларни юксак инсоний фазилатлар асосида тарбиялашни қамраб оладиган 
эзгу хислатларга ниҳоятда бойдир.