Ta’lim tizimini texnologiyalashtirishning ustuvor yo’nalishlari

Birinchi qoida: ishga barcha o`quvchilar u yoki bu darajada jalb qilinishi kerak. Ushbu maqsadda ta’lim jarayonining barcha ishtirokchilarini muhokama jarayoniga jalb etish imkoniyatini beruvchi
texnologiyalardan foydalanish samarali hisoblanadi.
Ikkinchi qoida: ishtirokchilarning ruhiy tayyorgarligi haqida qayg’urish zarur. Bu erda gap mashg’ulotlarga kelganlarning hammasi ham ishning u yoki bu shakliga bevosita qo`shilishga ruhan tayyor emasligi xususidadir. Ta’lim jarayonida o`quvchilarning ma’lum vaziyatga tushishi, ruhiy zo`riqishi, an’anaviy xulqi o`zini ko`rsatadi. SHu munosabati bilan sodda mashqlar, o`quvchilarni ishda faol ishtirok etganlari uchun doimo ragbatlantirib turish, o`quvchilarga o`zlarini ko`rsatishlari uchun imkoniyatlar berish foydali.
Uchinchi qoida: interfaol metodlarda o`quvchilar ko`p bo`lmasliklari kerak. Ishtirokchilarning soni, o`qitishning sifati to`g’ridan-to`g’ri o`zaro bog’liqlikda bo`lishi mumkin. Interfaol metodlar qo`llanilganda ta’lim jarayonida o`ttizdan ortiq bo`lmagan o`quvchilar ishtirok etishi kerak. Faqat bunday sharoitlarda kichik guruhlarda samarali ishlash mumkin. Axir har bir o`quvchining eshitish, har bir guruhga muammo bo`yicha so`zga chiqish imkoniyatini berish muhimdir.
To`rtinchi qoida: interfaol metodlar bilan ishlash dastlab auditoriyani tayyorlashga e’tibor qaratish zarur. Auditoriya shunday tayyorlanishi kerakki, unda o`quvchilar katta va kichik guruhlarda osonlik bilan joylasha olsinlar. Boshqacha qilib aytganda, o`quvchilarga jismoniy qulaylikni yaratish talab etiladi. Mashg’ulot jarayonida o`quvchilar juda qulay o`rnashib o`tirishlari zarur. SHuning uchun har bir o`quvchi mashg’ulotni olib boruvchiga nisbatan yarim burilishda o`tirishi va kichik guruhda muloqat qilish imkoniyatiga ega bo`lishi uchun stollarni “archa”, yarim doira shaklida joylashtirish maqsadga muvofiqdir. Ijodiy ish uchun zarur materiallar oldindan tayyorlansa, yanada yaxshi bo`ladi.
Beshinchi qoida: tadbirlar va reglament (belgilangan vaqt) masalalariga e’tibor bilan qarash. Bunda topshiriq ustida ishlash, belgilangan vaqtni aniqlab olish.