Таълим технологиялари

Инновацион технологияларни қабул қилиш бўйича педагоглар гуруҳи (Э.М.Роджерс таснифи бўйича):

• Новаторлар – авантюрист (таваккалчилик руҳиятидагилар), янгилик изловчи, ўзгаришларга мойил педагоглар - 2,5%
• Янгиликни тез татбиқ этувчилар – новаторлар изидан борувчи, янгиликни тез татбиқ этувчилар - 13,5%
• Секин татбиқ этувчилар – янги технологияни ўзлаштириш учун маълум вақт талаб этилади, камдан-кам ҳолларда етакчи бўлишади - 34%
• Кеч татбиқ этувчилар – янгиликка шубҳа билан қаровчи, шахсий манфаати учун ёки ижтимоий муҳит босими остида, янгилик аниқ фойдали эканлиги тасдиқлангач татбиқ этувчилар - 34%
• Иккиланувчилар (консерватор) – анъанавий технологияларни маъқул кўришади, янгиликка иккиланиб қарашади, ўзгаришларга қарши туриб, янгиликни қийинчилик билан қабул қилишади - 16%

Инновацион ёндашувлар

• Янги ёндошувлар орасида педоцентрик концепция алоҳида белгиланади. Унда асосий эътибор ўқиш, ўрганиш – боланинг фаолиятига берилади. Бу ёндашувнинг асосида Ж.Дьюи тизими, Г.Кершенштейнер, В.Лайнинг меҳнат мактаби – ХХ аср бошларида педагогикада ислоҳотлар даврининг назариялари ётади.

Ноанъанавий таълимда талабалар қуйидагиларни ўрганадилар:

• назарий билимларни амалий қўллаш усулларини излаб топишни;
• ўқув материалини биргаликда муҳокама қилишни;
• ташаббус кўрсатиш, шахсий фикрларини шакллантириш, ифодалаш ва асослашни;
• индивидуал фарқларга қарамасдан ҳамкорлик қилишни, лаёқатларини намоён қилишни;
• бир-бирининг муваффақиятини кўрсатиш, бир-бирини қўллаб-қувватлашни;
• умумий вазифани бажариш учун тузилган кичик гуруҳда маҳсулдор ишлашни.

Ноанъанавий (таълим жараёни марказида талаба бўлган) ўқитиш методларнинг афзалликлари:

• - Ўқитиш мазмунини яхши ўзлаштиришга олиб келиши.
• - Билимларни амалий вазиятда қўллаш учун шароитлар яратилиши.
• - Ўқитиш усулларининг турли хил кўринишлари таклиф этилиши.
• - Мотивациянинг юқори даражада бўлиши.
• - Ўтилган материалнинг яхши эслаб қолиниши.
• - Мулоқотга киришиш кўникмасининг такомиллашиши.
• - Талабаларнинг ўқитиш жараёнига бўлган ижобий муносабати.
• - Мустақил фикрлай оладиган талабанинг шаклланишига ёрдам бериши.
• - Танқидий, мантиқий ва ижодий фикрлашни ривожлантириши.
• - Муаммолар ечиш кўникмаларининг шаклланиши.
• - Ўқитувчидан юқори технологик билим ва тайёргарлик талаб этилиши