Ta'lim-tarbiya jarayonida internet resurslaridan foydalanish

Ta'lim-tarbiya jarayonida internet resurslaridan foydalanish

Internet (International Network - xalqaro tarmoq)-butun dunyoni qamrab olgan global kompyuter tarmog‘idir. Hozirgi kunda Internet dunyoning 150 dan ortiq mamlakatlarida bir necha yuz millionlab abonentlarga ega. har oyda tarmoq miqdori 10% ortib bormoqda. Internet dunyodagi turli xil ma'lumotga oid axborot tarmoqlari o‘rtasidagi o‘zaro aloqani amalga oshiruvchi yadroni tashkil qiladi.

Internetning erkin kiriladigan ma'lumotlar bazasidan insoniyat faoliyatining barcha jabxalarini qamrab olgan axborotlar, yangi ilmiy yangiliklardan tortib, to ertangi kungi ob-havo ma'lumotigacha bilib olish mumkin.
Yaqindan beri bosma nashrlarni kompyuter tarmog‘i orqali tarqatish yo‘lga quyildi. Biz yaxshi ko‘rgan gazeta va jurnallarimizning oylik nashrlarinii WWW(jahon o‘rgimchak turi) dan ko‘rish va uning nusxasini ko‘chirib olish mumkin. Shu bilan birga elektron nashrlar tushunchalarining qamrovi oyma-oy kengayib bormokda. Yangi-yangi elektron usulda chop etilgan jurnallar paydo bo‘lmokda.
Internetning asosiy tushunchalari
Marshrutlashtiruvchi (Router). Marshrutlashtiruvchi bu Internetning lokal tarmoq bilan bog‘langan nuqtasi. Marshrutizator lokal tarmoqni Internetdan ajratadi: lokal tarmoq ortiqcha ma'lumotlar oqimini ishlab berishdan xoli qilsa, Internet esa lokal tarmoqdagi nosozlikni qaerda bo‘lishidan qatiy nazar bartaraf qilib turadi.
Shlyuz (Gateway) - bu programmalar majmuidir. Bunda shlyuz maqsadida foydalanadigan kompyuterga katta talablar quyilmaydi. Buning uchun unda shlyuz vazifasini utaydigan programmalar bilan ishlash imkoni bo‘lsa, bo‘ldi xolos. Demak, ilgaridan o‘z lokal kompyuter tarmog‘ingizda biror sistema bilan ishlab kelayotgan bo‘lsangiz, uni Internetga ulamokchi bo‘lsangiz ana shunday shlyuz programmani o‘rnatsangiz yetarli.
Trafik - Internet aloqa kanallari orqali uzatilgan ma'lumotlar oqimi xajmi.
DNS server. DNS (Domian Name Servise - domen nomlar xizmati) – IP manzillar va kompyuterlar domen nomlarini aniqlovchi server. IP manzil va kompyuterlarning domen ko‘rinishidagi nomlari bilan ishlashni tashkil qilish uchun programma joylashtirilgan kompyuterning IP manzili ko‘rsatilgan.
Proxy- Internetda ba'zi bir ma'lumotlarga ko‘pchilik murojat qilgani uchun bu ma'lumotlarga oid serverga ulanish (navbat katta bo‘lgani uchun) sekin bo‘lishi mumkin. Shuning uchun ko‘pchilik murojat qiladigan serverlar nusxalari boshka serverlarda ham saqlanadi. Bunday serverlar Proxy serverlar deyiladi. Proxy serverdan foydalanish imkoniyati odatda programmalarni o‘rnatishda e'tiborga olinishi zarur. Hozirda ko‘p Internet ma'lumotlarni ko‘rish uchun MS Internet Explorerdan foydalanganda, unda Proxy programmasi orqali foydalanish nazarda tutiladi.
Mirror serverlar. Ko‘pchilikni qiziqtiruvchi serverlar odatda boshqa mamlakatlar serverlariga ham joylashtiriladi. Bu esa mamlakatlarga yuboriladigan suroqlarning xajmini kamaytirishga va tegishli ma'lumotlarni (Internet saxifalarni) tez topishga imkon tug‘diradi. Odatda Mirror serverining borligi home page (uy saxifalarida)da o‘z aksini topgan bo‘ladi va unga qarab kaysi server bilan ishlash qulayligi (tezligi) aniqlanadi va u tanlanadi.