Таълим муассасаларидаги ўқув жараёнида қўлланиладиган назорат ва ўлчов ҳамда устахона ва лаборатория жиҳозларидан, ўқув тажриба хўжаликларида қишлоқ хўжалиги техникалари ва бириктирилган ерлардан унумли фойдаланиш, ўқув

Чироқчи туман 3-сон касб-ҳунар мактабининг ўқув жараёнида жиҳоз, асбоб-ускуна, ўқув-машқ транспорт воситалари, хом ашё ва материаллардан самарали фойдаланиш, метрологик талабларга амал қилиниши ҳамда касбий тайёргарлик ишлари ҳолатини ўрганиш бўйича
МАЪЛУМОТНОМА


2022 йил 14 май Чироқчи туман.

Лавозими	Ф.И.Ш.	Иш ва мобил алоқа телефонлари	Лавозимга тайинланган йили, санаси
Директор	Авлаяров Дилшод Жонтемирович	[phone]	2021 йил 26 июл
ЎИБДЎ	Холиқулов Тувал Равшанович	[phone]	2020 йил 3 сентябр
ИЧТБДЎ	Абдалов Аброр Отақулович	[phone]	2021 йил 28 июн
МИБДЎ	Муминов Азамат Турсунович	[phone]	2020 йил 5 октябр
Бош ҳисобчи	Эшнаров Латиф Абдирахимович	[phone]	2021 йил 23 июл

Таълим муассасаси идоравий мансуб бўлган вазирлик (идора) номи – Олий ва ўрта махсус таълим вазирлиги.

Ўқув устахоналари, техник регламентлар ва метрологик назорат хизматининг 2022 йил 6 майдаги 13/С-сон буйруғига асосан Чироқчи туман 3-сон касб-ҳунар мактабида ўқув жараёнида жиҳоз, асбоб-ускуна, транспорт воситалари, хом ашё ва материаллардан самарали фойдаланиш, метрологик талабларга амал қилиниши ҳамда касбий тайёргарлик ишлари ҳолати ўрганилди ҳамда уларга амалий-услубий ёрдам кўрсатилди.
Чироқчи туман 3-сон касб-ҳунар мактаби биноси 2006 йилда янги қурилиш йўли билан ташкил этилган. Давлат бюджети ва Корея давлати кредити ҳисобидан жиҳозланган.
Таълим муассасасида 2021/2022-ўқув йилида 8 та, Автомобил электр жихозларига хизмат кўрсатиш чилангари, Автомобилларни таъмирлаш чилангари, Дуродгорлик ва пол ётқизиш ишлари устаси, Электрик, Пайвандловчи (электргазпайвандлаш ишлари), Ғишт терувчи, бетон қуювчи ва арматурачи, Рақамли ахборотларни қайта ишлаш устаси ва Тикувчи касблари бўйича 493 нафар ўқувчи таҳсил олмоқда. Уларга жами 23 нафар ўқитувчилар (17 нафар умумтаълим, 6 нафар махсус фан ўқитувчилари) ҳамда 16 нафар ишлаб чиқариш таълими усталари таълим-тарбия беришмоқда. Ишлаб чиқариш таълими усталарининг 13 нафари олий маълумотли, 12 нафар ўқитувчилар ўриндошлик асосида ишламоқда.
Айни пайтда рус тили фанидан 1 нафар ўқитувчига эҳтиёж бор.
Ўрганиш вақтида қуйидаги ҳолатлар аниқланди:


1. Ўқув амалиётларини ташкил этиш бўйича меъёрий ҳужжатлар (намунавий ва ишчи ўқув режа, ўқув дастурлари) ҳамда ишлаб чиқариш таълими усталарида ўқитиш материаллари тўплами мавжудлиги.
Чироқчи туман 3-сон касб-ҳунар мактабида мавжуд 8 та касб(мутахассислик) бўйича намунавий ўқув режалари ва барча ўқув амалиётлари намунавий ўқув дастурлари мажуд. 2021-2022-ўқув йилида ўтилиши белгиланган жами 29 та ўқув амалиётидан ўқитиш материаллари тўпламлари ишлаб чиқилган ва белгиланган тартибда расмийлаштирилган.