Ta’lim muassasalarida 9-may — Xotira va qadrlash kunini nishonlash yuzasidan tavsiya



Download 11.65 Kb.
Sana18.01.2017
Hajmi11.65 Kb.
Xotira – abadiy, qadr – muqaddas!

Ta’lim muassasalarida 9-may — Xotira va qadrlash kunini nishonlash yuzasidan tavsiya

O‘tganlarni yod etish, jasorat va xayrli ishlarini yosh avlodga ibrat qilib ko‘rsatish xalqimizga xos xislatdir. Har yili 9-may sanasida nishonlanadigan Xotira va qadrlash kuni yurtdoshlarimiz hayotida muhim ahamiyat kasb etib, barcha maskanlarda ajdodlarimiz yodga olinadi va keksalarga alohida izzat-ikrom ko‘rsatiladi. 

Prezidentimizning 2015-yil 18-fevraldagi «Keksalarni e’zozlash yili» Davlat dasturi to‘g‘risida»gi qarorida belgilangan ustuvor vazifalar asosida mamlakatimizda yoshi ulug‘ insonlarga g‘amxo‘rlik ko‘rsatish va e’tiborni kuchaytirish, ularning hayot darajasi va sifatini oshirish uchun qulay tashkiliy-huquqiy shart-sharoit yaratilmoqda. Fashizm ustidan qozonilgan g‘alabaga va Vatanimizni rivojlantirishga munosib hissa qo‘shgan urush va mehnat faxriylari manzilli ijtimoiy himoya qilinib, qo‘llab-quvvatlanmoqda.

Mamlakatimizdagi barcha ta’lim muassasalarida Xotira va qadrlash kunini munosib o‘tkazish maqsadida tashkiliy qo‘mita a’zolari maxsus chora-tadbirlar rejasini tuzishadi. Sanaga bag‘ishlab o‘tkaziladigan tadbirlarda quyidagilarga e’tibor qaratish lozim:

— «Xotira haftaligi» (4–9- may) kunlarida o‘quvchilarga xotira, qadr-qimmat tushun­chalarining mazmun-mohiya­tini keng tushuntirish;

faxriy pedagoglar, urush qatnashchilari va mahalladagi keksalar holidan xabar olish;

— tadbir o‘tkaziladigan joylar, qabriston­larda hashar uyushtirish,

— urush va mehnat faxriylari ishtirokida «Ezgu ishlar mangu barhayot», «Kattalar jasorati — yoshlar e’zozida», «Mardlik va jasorat tarannumi», «Asr bilan yuzma-yuz» kabi mavzularda uchrashuv va davra suhbatlari o‘tkazish;

— uchrashuvlarda Prezi­denti­mizning «Tarixiy xotirasiz kelajak yo‘q», «Vatan sajda­goh kabi muqaddasdir», «Biz kelajagimizni o‘z qo‘limiz bilan quramiz», «Xavfsizlik va tinchlik uchun kurashmoq kerak», «O‘zbekiston musta­qillikka erishish ostonasida» kabi asarlari haqida o‘quv­chilarga tushuncha berish;

— ta’lim muassasalaridagi «G‘amxo‘rlik guruhlari» hamda mahalla faollari hamkorligida «Hech kim mehr va e’tibordan chetda qolmasin!» shiori ostida aksiya tashkil etish;

— maktabga harbiy xodim­larni taklif etib, uchrashuv o‘tkazish;

— Ikkinchi jahon urushi qatnashchilari va front orti mehnat faxriylari hamda Vatan oldidagi muqaddas burchini o‘tash chog‘ida qahramonlarcha halok bo‘l­ganlar nomi va suratlari joylashtirilgan maxsus xotira kitobini tuzish;

— umumta’lim maktab­larida «Xotira va qadrlash


kuni — tarixiy xotiraning tiklanishi, inson qadr-qimmatiga e’tibor» mavzusida tarbiyaviy soat mashg‘ulotlari hamda «Mardlik va jasorat» darslarini tashkil etish.

Ta’lim muassasalarida


(5—9-sinflar uchun) «Mardlik va jasorat» mavzusidagi tarbiyaviy soat mashg‘u­lotlari O‘zbekiston Res­publikasi Davlat madhiya­sini ijro etish bilan bosh­lanadi.

O‘qituvchi: — Inson — hayot gultoji. Uning qadri baland. Keksalarni ardoqlash, ularning hurmatini joyiga qo‘yish azaliy qad­riyatdir. Qani, kim bobo yoki buvisi haqida gapirib beradi?

O‘quvchilar birin-ketin javob bergandan so‘ng «Mahallangizdagi urush va mehnat faxriylaridan kimlarni bilasiz?», «Ularga qanday yordam ko‘rsatgansiz?» degan savollar o‘rtaga tash­lanadi. Shundan keyin ularga bilet tarqatiladi. Guruhlarga bo‘lingan o‘quvchilar savol­larga javob izlaydi.



Birinchi guruh savoli: — Ikkinchi jahon urushi yillarida mamlakatimiz aholisining qanchasi frontga ketgan va qanchasi halok bo‘lgan?

Javob: — Urush paytida 6,5 millionga yaqin o‘zbek xalqining 1,5 milliondan ziyod farzandi frontga ketgan. Unda 500 mingga yaqin yurt­doshimiz halok bo‘lgan, minglab norg‘ul yigitlar bedarak yo‘qolgan. Ko‘p­chiligi mayib-majruh bo‘lib qaytgan.

Ikkinchi guruh savoli: — Ikkinchi jahon urushida halok bo‘lgan o‘zbekistonlik jang­chilar xotirasi uchun yurti­mizda barpo etilgan qanday yodgorlik majmualarini bila­siz?

Javob: — Prezidentimiz tashabbusi bilan 1999-yili poytaxtimizda Xotira maydoni barpo etildi. Unda «Motam­saro ona» haykali (haykal­tarosh Ilhom Jabborov), xiyobonning shimoli-janubiy tomonida barpo etilgan ayvonga urushda halok bo‘lgan o‘zbekistonlik barcha jangchilarning ism-familiyasi bitilgan 35 jilddan iborat “Xotira” kitobi o‘rnatildi.

2000-yil 12-mayda Yunu­sobod tumani Bo‘zsuv kanali sohilidagi «Alvastiko‘prik» deb nom olgan jarlik o‘rnida «Shahidlar xotirasi» yodgorlik majmuyi bunyod etildi. Keyinchalik bu yerda muzey va jamg‘arma tashkil qilindi.

2010-yil 12-yanvarda Toshkent shahridagi Qurolli Kuchlar muzeyi oldida «Jasorat bog‘i» barpo etildi.

Uchinchi guruh savoli: — Urush va mehnat faxriylarini qo‘llab-quvvatlashga qanday e’tibor qaratilmoqda?

Javob: — Prezidentimiz­ning 2014-yil 13-oktabrdagi «1941—1945-yillardagi urush va mehnat fronti faxriylarini ijtimoiy qo‘llab-quvvatlashni yanada kuchaytirish chora-tadbirlari to‘g‘risida»gi, 2015- yil 19-fevraldagi «O‘zbekiston Respublikasi fuqarolari – 1941—1945-yillardagi urush va mehnat fronti faxriylarini «Ikkinchi jahon urushidagi g‘alabaning 70 yilligi» esdalik yubiley medali bilan mukofotlash to‘g‘risida»gi farmonlari hamda 2011-yil
30-maydagi «2011—2015- yillarda yolg‘iz keksalar, pensioner va nogironlarni ijtimoiy himoya qilishni yanada kuchaytirish bo‘yicha qo‘shimcha chora-tadbirlar to‘g‘risida»gi qarori asosida urush va mehnat faxriylariga davlat miqyosida g‘amxo‘rlik qilinmoqda.

O‘qituvchi dars yakunida barcha guruh a’zolarining bilimini baholaydi.



Respublika ta’lim
markazi


Do'stlaringiz bilan baham:


Ma'lumotlar bazasi mualliflik huquqi bilan himoyalangan ©hozir.org 2017
ma'muriyatiga murojaat qiling

    Bosh sahifa