Ta’lim menejmenti o’ q u V – uslubiymajmu a

Suv ta’minoti va markaziy kanalizatsiyaga ega bo‘lgan maktablarning hojatxonalari standartlariga qo‘yiladigan talablar:

• 
  Har bir qavatda qiz bolalar va o‘g‘il bolalar uchun, alohida kabinka va eshiklari bo‘lgan hojatxonalar joylashtirilishi kerak. Sanitariya jihozlari miqdori quyidagi hisob bo‘yicha aniqlanadi: 1 unitaz 20 nafar qizchaga, 1 ta qo‘lyuvgich(umivalnik) 30 nafar qizchaga: 1ta unitaz, 1ta pissuar va 1ta qo‘lyuvgich(umivalnik) 30 nafar o‘g‘il bolaga.
  
• 
  Qo‘lyuvgich(umыvalnik)lar oldida sovun turishi lozim.
  
• 
  Qizlar va o‘g‘il bolalar uchun sanitariya bo‘limlari maydoni bir o‘quvchiga 0,1m² hisobida olinadi.
  
• 
  Maktab xodimlari uchun alohida sanuzel - 20 kishiga 1 unitaz miqdorida ajratiladi.
  
• 
  Har bir tanaffusdan so‘ng hojatxonalar tozalaniladi.
  
• 
  Umumta’lim muassasalari va ularning qoshidagi internatlarda tozalash va dezinfeksiyani o‘tkazish uchun bolalar muassasalarida qo‘llanilish uchun ruxsat berilgan tozalash vositalaridan - ularning qo‘llanilish ko‘rsatmasiga amal qilgan holda foydalaniladi,
  
• 
  Pollarni yuvish uchun dezinfeksiya vositalari aynan tozalashdan oldin hojatxona ichida, o‘quvchilar yo‘q vaqtida amalga oshiriladi.
  
• 
  Hojatxonalarni tozalashda foydalaniladigan yuvish vositalari va vetosh alohida xonada saqlanilishi lozim. Chelak, shvabra, supurgi va boshqalar belgilab qo‘yilishi lozim.
  

Zaruriy sharoitlar: hojatxonadan chiqqandan keyin qo‘llarni sovunlab yuvish va sharoiti bo‘lmagan hojatxonalarga kirmaslik to‘g‘risidagi tushuntirish ishlarini doimiy olib borish.
1.2. Bolalar qum maydonchalarining tarkibi (maktabgacha ta’lim muassasalari uchun)

• 
  Bolalar o‘ynaydigan joylarga, ayniqsa qum maydonchalariga uy hayvoni egalari o‘z itlarini kiritmasliklari lozim.
  
• 
  Uy hovlisi va ko‘chalardagi bolalar qum maydonchalarini ozoda saqlash lozim.
  
• 
  Fanerli qopqoqlar yasab, hech kim o‘ynamayotgan vaqtlarda ayniqsa kechqurun ularni yopib qo‘yish kerak.
  
• 
  Iloji boricha bir oyda bir martta qum maydonchasidagi qumni almashtirib turish tavsiya etiladi.