Таълим жараёнининг функциялари. Таълим жараёнининг ҳаракатлантирувчи кучлари

2.«Кадрлар тайёрлаш миллий дастури»нинг асосий йўналишлари

Ўзбекистон Республикаси Кадрлар тайёрлаш миллий дастури 1997 йил 29 августда Ўзбекистон Республикаси Олий Мажлис қарори билан тасдиқланган. Кадрлар тайёрлаш миллий дастури “Таълим тўғрисида” ги Ўзбекистон Республикаси Конуни қоидаларига мувофиқ ҳолда тайёрланган бўлиб, миллий тажрибанинг таҳлили ва таълим тизимидаги жаҳон миқёсидаги ютуқлар асосида тайёрланган ҳолда юксак умумий ва касбкор маданиятига, ижодий ҳамда ижтимоий фаолликка, ижтимоий-сиёсий ҳаётда мустақил равишда мулжални тўғри ола билиш маҳоратига эга бўлган, истиқбол вазифаларини илгари суриш ва ҳал этишга қодир кадрларни янги авлодни шакллантиришга йўналтирилгандир. Ўзбекистон Республикаси давлат мустақиллигига эришиб, иқтисодий ва ижтимоий ривожланишнинг ўзига хос йўлини танлаши кадрлар тайёрлаш тузилмаси ва мазмуни қайта ташкил этишни зарур қилиб қўйди. Янги ўқув режалари, дастурларни, дарсликларни жорий этишни, замонавий дидактик таълимотни ишлаб чиқишни, ўқув юртларни аттестациядан ўтказишни ва акредитациялашни, янги типдаги таълим муассасаларни ташкил этишни тақозо этди.

Янги типдаги ўқув муассасасилар ва умумтаълим ўқув юртлари тармоғи ривожлана бошлади. Ҳозирги кунда 238 та лицей ва 136 та гимназия ишлаб турибди. “Иқтисодий таълим”, “Ривожланишида нуқсони бўлган шахсларни тиклаш” ва бошқа тармоқ дастурлари рўёбга чиқарилмоқда. Республика умумтаълим ўқув муассасасиларида 435 мингдан ортиқ педагог ишламокда, уларнинг 73% олий маълумотлидир.
Меҳнат бозорини шакллантиришнинг худудий хусусиятларини ҳисобга олган холда ҳунар-техника таълимини қайта ташкил этишга киришилди. Ҳозирги кунда бу тизимда жами 221 минг кишини таълим билан қамраб олган 442 та ўқув юрти, шу жумладан, 209 та касб-ҳунар ўқув муассасаси, 180 та касб-ҳунар лицейи ва 53 та бизнес-мактаблари ишлаб турибди. Бугунги кунда бошланғич касб-ҳунар таълими ўқув юртларида карийиб 20 минг педагог ва малакали мутахассислар ишламоқда.
Республикада жами 197 минг киши таълим олаётган 258 та ўрта касб-ҳунар таълими ўқув юрти ишлаб турибди. Уларда қарийиб 16 минг педагог ва муҳандис-педагог ходимлар меҳнат қилмоқда.
Ўзбекистон олий ўқув муассасаси тизими 58 та олий ўқув юртини, шу жумладан 16 та университет ва 42 та институтни ўз ичига олади. Уларда 164 минг талаба таълим олмоқда. 16 та университетнинг ўн иккитаси Ўзбекистон мустақилликка эришган дастлабки икки йилда ташкил топди. Олий таълимни кўп босқичли тизимга ўтказиш амалга оширилди.