Talabalarning kasb ta’limi

MAVZU: O’QITISH JARAYONINING MOHIYATI VA IMKONIYATLARI







Talabalarning kasb ta’limi olishlarini ta’minlovchi pedagogik jarayonlarning

muhim tarkibiy qismi bu o'qitish jarayonidir.

Jarayon bu taraqqiyot dalillarning bir-biri bilan ketma-ket, qonuniy va uzluksiz almashishidir.

O’qitish jarayoniga quyidagi ta’riflarni berish mumkin.

Kommunikativ nuqtai nazardan o’qitishni bilim va tajribaga ega bo’lgan odam bilan ularni qabul qiladigan odam orasidagi muloqot sifatida ta’riflash mumkin.

Faoliyat nuqtai nazaridan yondashilsa, o’qitish - bu ta’limning yetakchi funksiyalarini amalga oshirishga qaratilgan pedagog va talabaning o’zaro bog’liqlikdagi faoliyatidir.

Boshqarish nuqtai nazaridan o’qitish - bu pedagog tomonidan talabaning o’rganish faoliyatini tashkil etishidir.

Barcha ta’riflarda ta’lim jarayoni uchun xos bo’lgan binar faoliyat mavjud.

O’qitishni ta’riflaganda, ulardan birortasini birlamchi deb olish shu jarayonning buzilishiga olib keladi.

Agar o’qitishni asosiy, yetakchi faoliyat deb olsak, u holda bunday faoliyat turi talabani yangi taraqqiyot darajasiga ko’tara olmaydi. O’rgatuvchi bosh figura emas, balki talabaning o’rganishini ta’minlovchi yordamchidir.

Yetakchi ma’no hosil qiluvchi faoliyat sifatida o’qish, o’rganish turadi. Chunki u bo’lmasa yoki yetarli bo’lmasa, u holda o’qituvchining faoliyati ma’noga ega bo’lmaydi.

Pedagoglar ularning faoliyati yordamchi va xizmat ko’rsatish xarakterida bo’lib, talabaning faolligini tashkil qilish va o’rganishlariga yordam berishdan iborat ekanligini yodda tutishlari lozim.

Zamonaviy ta’limning nazariyasi va amaliyotida asosiy urg’u o’qituvchining o’rgatuvchilik faoliyatidan o’quvchining o’rganish bilish faoliyatiga ko’chiriladi.