Talabalar uchun talablar

биринчидан, мамлакатимизда амалга оширилаётган кенг кўламли ислоҳотлар даврида олий таълим тизимида ўқув-услубий фаолиятни давр ва замон талаблари асосида такомиллаштириб бориш, талабаларни ҳар томонлама билим, кўникма ва малакаларини ошириш учун етарлича шарт-шароитлар яратиб бериш зарурияти асослаб берилди;
иккинчидан, олий таълим тизимида таълим сифатини назоратини тартибга солишга қаратилган қонунчиликни такомиллаштиришнинг асосий йўналишлари асослантирилди;
учинчидан, олий таълим тизимида ўқув-услубий фаолиятни тартибга солишга қаратилган норматив - хуқуқий ҳужжатларнинг ўзига хос хусусиятлари мавжудлиги очиб берилди.
тўртинчидан, Республика педагогика соҳаси “Мусиқа таълими” йўналишида амалга оширилаётган ижтимоий-иқтисодий ислоҳотлар самарадорлигини ошириш, олий таълим тизимида ўқув-услубий фаолиятни тартибга солиш механизмларини такомиллаштириш билан боғлиқ муҳим аҳамиятга эга бўлган муаммолар тахлил этилди.
ОТМларда ўқув-услубий фаолиятни самарадорлигини ошириш ва янада такомиллаштириш учун қуйидаги таклиф ва тавсияларни илгари суриш мумкин.
1. Фикримизча, олий ўқув юртлари педагог-ходимларининг касб даражаси ва малакасини муттасил бевосита ва билвосита ошириб бориш, уларни замонавий талабларга мувофиқ мунтазам қайта тайёрлаш ва ишлаб чиқариш ва хорижий мамлакатларнинг нуфузли таълим муассасаларида стажировкадан ўтказишнинг такомиллаштирилган тизимини жорий этиш асосида юқори малакали мутахассислар тайёрлаш сифатини тубдан ошириш мумкин бўлади.
2. Мусиқа таълими йўналишида бир профессор-ўқитувчига тўғри келадиган талабалар нисбатини мусиқа ва санъат таълим йўналишларига белгиланган меъёрлардан келиб чиққан ҳолда белгилаш лозим.
3. Талабаларга табақалаштирилмаган бир хил 0,5 стипендия тайинлаш тизимига ўтиш (табақалаштирилган (0,5; 0,75; 1,0) стипендия тайинлаш тизимидан воз кечиш лозим).
4. ОТМлари бакалавриатида малака амалиётларини ташкил этишда амалиёт даврида талаба бажарадиган функционал вазифаларни аниқ белгилаш, амалиёт ўтадиган объектларда талабани қабул қилиш буйруғини чиқариш, талабалар томонидан ҳисоботлар тайёрлашни электрон шаклда ташкил этиш лозим.