Тактиканинг фан сифатида вазифалари

Batalon oziq-ovqat punkti (variantlari)

Sutkalik vedomost - bo‘linmalarda saqlanayotgan oziq-ovqat mahsulotlari zaxiralarini kunlik hisobini yuritish, mahsulotlarni ovqat tayyorlash uchun oshxonalar orasida taqsimlash, mahsulotlarni va tabak ashyolarni ta’minotda turgan shaxsiy tarkibni qo‘liga tarqatish uchun mo‘ljallangan. Unda taomnoma har bir ovqatlanishga (ertalabki nonushta, tushlik, kechki ovqat) qarab aks etirilladi va bo‘linmalardagi oziq-ovqat mahsulotlarining jangovar yo‘qotishlari hisobi ham yuritiladi. Bir vaqtning o‘zida bu hisobot hujjati bo‘lib hisoblanadi.

Xo‘jalik sksiyasi komandiri (BOOTP boshlig‘i) qabul qilingan oziq-ovqat mahsulotlarini hisobga olib oshxonalarni shatakka oluvchi avtomobilga taxlanadi.

Oziq-ovqat mahsulotlarining zaxiralarini anchasi jangovar yo‘qotishlar bo‘lganda yoki zararlangan, shaxsiy tarkibni bir maromdagi ovqatlantirilishida uzilish xavfi tug‘ilsa, batalon shtab boshlig‘i (komandiri) qismga tezda zaxiralarni o‘rnatilgan me’yorlargacha to‘ldirilishi va saqlanishi uchun talabnoma beradi. Talabnoma xo‘jalik seksiyasi (front orti ta’minoti guruhi) komandirining, vzvodlar komandirlarining bildiruvlari asosida tuziladi.

SHaxsiy tarkibni qo‘liga tarqatiladigan istemol mahsulotlarini vzvodlarga taqsimlanishi va tarqatish, xo‘jalik seksiyasi komandiri (BOOTP) boshlig‘i tomonidan, shtab boshlig‘i yoki batalon komandirining ko‘rsatmalariga binoan amalga oshiriladi.

Jangovar sharoitlarda shaxsiy tarkibni ovqatlantirish sutkasida uch mahal bo‘lishi shart. Agar sutkasida uch mahal issiq ovqat tayyorlash va etkazib berishning iloji bo‘lmasa, uni ikki mahal tayyorlab, issiq ovqatni istemol qilishning oralig‘ida shaxsiy tarkibga sutkalik taqsimotga asosan mahsulotlar quruq holda beriladi. Mahsulotlarni alohida ovqatlanishi uchun taqsimlashni qism oziq-ovqat xizmati boshlig‘i brigada komandirining qaroriga asoan o‘rnatadi va mahsulotlar taomnomasida ko‘rsatiladi.

Ovqatlanish tartibini aniqlashda, asosiy ovqatlanish vaqtini jangovar keskinlikni pasaygan soatlarida to‘g‘ri kelishiga erishish lozim.

Bo‘linmalarga issiq ovqat tayyorlash, tarqatish va etkazib berishni batalon oziq-ovqat ta’minot punkti boshlig‘i batalon shtab boshlig‘i (komandiri) ko‘rsatmasiga asosan tashkillashtiradi, ular quyidagilarni aniqlaydilar:

- qancha shaxsiy tarkib soniga va qaysi bo‘linmalar uchun ovqat tayyorlashni (har bir oshxona uchun);

- ovqatni tayyor bo‘lish vaqti, uni shaxsiy tarkibga etkazib berish (tarqatish) vaqti va tartibini, batalon oziq-ovqat ta’minot punktini suv va yoqilg‘i bilan ta’minlash tartibini.

Ovqat tayyorlash uchun mahsulotlar taomnomasi, qism komandiri tomonidan tasdiqlangandan so‘ng, barcha bo‘linmalar uchun bir xil ovqatlanish o‘rnatiladi. Ammo, hamma bo‘linmalarni harakatlanish xususiyatlarini taomnomada ko‘zda tutish mumkin emas, shuning uchun, batalon komandiriga ba’zi bir paytlarda kun davomida mahsulotlarni taqsimlanishini alohida ovqatlanishlar uchun, vaziyatni baholab almashtirishga huquq berilgan.

Mahsulotlarni qozonga solinishidan avval batalon feldsheri ularni sifatini tekshirishga majburdir. Undan tashqari, u oshxonalarni, oshxona asbob uskunalarini, batalon oziq-ovqat ta’minot punkti joylashgan tumanni sanitar holatini, oziq-ovqat mahsulotlari zaxiralarining to‘g‘ri saqlanayotganligini va oshpazlar tarkibini shaxsiy gigiena qoidalariga rioya qilishlarini doimiy nazortada ushlashi kerak.

Batalon feldsheri shuningdek tayyor ovqatni sifatini ham tekshirishi zarur. Feldsher tomonidan tekshirilgan tayyor ovqatni shaxsiy tarkibga tarqatilishi batalon komandiri yoki shtab boshlig‘ining ruxsati bilan amalga oshiriladi. Uning etkazib berilish va tarqatilishi har doim aniq vaziyatlardan kelib chiqqan holda tashkillashtiriladi.

Jangda oshxonalar tayyor ovqat bilan tez-tez vzvodlar komandirlari tomonidan o‘z bo‘linmalrining jangovar tartibiga yaqinroq pana joylarda tayinlangan vzvodlar ovqatlanish punktilariga (6 rasmda ko‘rsatilgan) ovqat tarqatish uchun harakatlanishadi.

Zaruriyat bo‘lsa vzvod komandirlarining moddiy-texnik ta’minoti bo‘yicha yordamsilari oshxonalarni vzvodlar ovqatlanish punktlariga kutib olish va kuzatib borishni tashkillashtirishadi, buning uchun kuzatuvchilar jo‘natiladi.

Agar vaziyat oshxonalarni vzvodlar ovqatlanish punktlariga oldingi chizig‘igacha yaqinroq kelish imkoniyati bo‘lsa va ovqatni tarqatilishini pana joylarda tashkillashtiriladi, qaerda vzvodlarga borishning yashirin yo‘laklari bor, (bu 3-rasmda motoo‘qchilar vzvodi misolida ko‘rsatilgan), ovqat oshxonadan bevosita shaxsiy tarkibni qozonchalariga tarqatilishi mumkin. Ko‘pchilik vaziyatlarda ovqat vzvodlar ovqatlanish joyidan jangovar tartibda turgan shaxsiy tarkibga zich yopiluvchi termoslarda vzvodlardan tayinlangan ovqat tashivchilar yordamida etkazilib tarqatiladi.

Marshda kunduzgi (tungi) dam olish vaqtlarida va katta privallarda, hamda joyda joylashganda qulay vaziyatlarda batalon butun shaxsiy tarkibi yoki uning bir qismi issiq ovqatni qozonchalariga bevosita batalon oziq-ovqat ta’minot punktidagi oshxonalardan olishlari mumkin. Sutkasida bir marotaba issiq ovqat bilan birga vzvod ovqatlanish punktlariga non, shakar va tabak ashyolari tarqatish uchun etkaziladi.

Ularni vzvodlar ovqat tarqatuvchilari oshpazlardan imzo chekib qabul qiladilar va shaxsiy tarkibga tarqatadilar. Bunda non ikki odamga bir buxankadan, shakar esa og‘irligi bo‘yicha. Ma’lum bir vaziyatlarda ofiserlarga tabak ashyosi va qo‘shimcha taqsimot bir necha kun oldin tarqatiladi.

Batalonga biriktirilgan vzvodlar va batareyalarni ovqatlantirish, qoidaga ko‘ra, o‘z bo‘linmalarining (qismlarining) oziq-ovqat ta’minot punktlari orqali, kichik bo‘linmalar esa batalon OOTPdan.

Bo‘linmalar, biriktirilgan vzvodlar, soni guruhgacha bo‘lsa issiq ovqatni, non, shakar, choy va ichimlik suvini o‘z vzvodlari bilan birga olishadi. Vzvod bilan birga harakatlanadigan yirik bo‘linmalar, asosan o‘z bo‘linmalarining oziq-ovqat ta’minot punktlaridan ovqatlanadilar.

Batalon yadro quroli portilatilgan joylarda zaharlangan sharoitlarda harakatlanganda bo‘linmalarni oziq-ovqat bilan ta’minlashda nurlanishni ruxsat etilgan darajasini hisobga olib tashkillashtiriladi.