Тактиканинг фан сифатида вазифалари

sharoitlardagi texnik ta’minoti
Zamonaviy jangda tankchi (motoo‘qchi) bo‘linmalarning texnik ta’minotini tashkillashtirish va amalga oshirish nafaqat jangovar harakatlarning turi va xarakteridan, balki harbiy harakatlar teatrining (XHT) fizikaviy-geografik sharoitlariga bog‘liq. (Fizikaviy-geografik sharoitlar deganda aniq XHT uchun taalluqli bo‘lgan, jangovar harakatlarni tayyorlash va olib borishga ta’sir ko‘rsatuvchi tabiiy sharoitlar kompleksi tushuniladi).

Ularga geografik joylashuv, relef, gidrografiya, ertuproqlar, o‘simliklar, klimat va boshqalar kiradi) ham bog‘liqdir.

Texnik ta’minotning asosiy vazifalari faqat, bo‘linmalarning muhandis-texnik tarkibi tomonidan, qurol-aslaha va harbiy texnikani ekspluatatsiya qilishg va ta’mirlash-tiklash organlarining faoliyatiga taktik sharoit bilan bir qatorda joyning tabiiy-klimatik sharoitlari, yilning, sutkaning vaqti va boshqa fizik-geografik omillarning ta’siri to‘g‘ri va har tomonlama hisobga olgandagina to‘liq va sifatli bajariladi.

Bo‘linma komandirlarining qurol-aslaha bo‘yicha o‘rinbosarlari bo‘lajak jangovar harakatlar rayonining fizikaviy-geografik sharoitlarini bo‘linmaning qurol-aslaha va harbiy texnikasidan jangda (marshda) foydalanishga va ularni texnik ta’minotiga ta’sirini to‘liq va har tomonlama baholashni, jumladan topografik harita bo‘yicha ham bilishlari kerak. Komandirning qurol-aslaha bo‘yicha o‘rinbosari joyni sezishi va haritada o‘lik qog‘ozni emas, tirik tabiatni ko‘ra olish qobiliyatiga ega bo‘lishi kerak, bu degani haritaga qaraganda u haqiqiy tog‘lar, o‘rmonlar, botqoqliklar, qo‘yingki, joyning ijobiy va salbiy tomonlarini aniq ko‘z oldiga keltira olishi kerak.