Тактиканинг фан сифатида вазифалари

Mudofaa davomida bo‘linma komandirlarining qurol-aslaha bo‘yicha o‘rinbosarlari doimo nazorat qiladilar:

• 
  qurol-aslahalarning texnik holati va jangovar shayligini;
  
• 
  YOMM va o‘q-dorilarning sarfi, ularning bo‘linmalarga o‘z vaqtida keltirilishini;
  
• 
  komandir va xizmat bo‘yicha katta boshliqqa qurol-aslahaning holati va mavjudligi haqida, ularni yonilg‘i va o‘q-dorilar bilan ta’minlanganligi, o‘zining va qo‘shib berilgan texnik ta’minot kuch va vositalarining butlanganligi va holati haqida bildiruv beradi;
  
• 
  bo‘linmalarni ZTMM va boshqa mulk bilan to‘ldirish uchun talabnomalar beradi (jo‘natadi).
  

Komandirning qurol-aslaha bo‘yicha o‘rinbosarining asosiy hujjatlari bu ish haritasi va safdan chiqqan mashinalar jurnalidir. Mudofaa jangi davomida komandirning qurol-aslaha bo‘yicha o‘rinbosarining ish haritasiga shikastlangan mashinalarning turgan joyi, ularning turi va raqamlarini, shikastlanish xarakterini, safdan chiqqan vaqti, radiatsion, kimyoviy va bakteriologik (biologik) moddalar bilan zaharlangaligi hamda bu mashinalarni tiklash bo‘yicha qabul qilingan qarorni (o‘z vositalari bilan ta’mirlash yoki evakuatsiya qilish, katta boshliq vositalariga topshirish, ro‘yxatdan chiqarish va h.k.) tushiradi. Ish haritasi batartib va doimo shartli belgilar, qisqartirishlar va tushuntirish (izoh) yozuvlari, shartli belgilarning rangi jangovar nizomlar, yo‘riqnoma va tavsiyalarda ko‘rsatilganidek yuritiladi.
11. Tankchi (motoo‘qchi) bo‘linmalarning harakatlanish