Тактиканинг фан сифатида вазифалари

Mudofaa jangi davomida bajariladigan ishlarning hajmi va ketma-ketligini aniqlashda komandirning qurol-aslaha bo‘yicha o‘rinbosari quyidagilarni hisobga olishi shart:

• 
  mashinalarning texnik holati va ularning oxirgi texnik xizmat ko‘rsatishdan keyingi o‘tgan yo‘li (masofa);
  
• 
  bo‘lajak jangovar harakatlarning keskinligi va ko‘zda tutilayotgan resurslar sarfi;
  
• 
  joyning sharoiti, erning (tuproqning) holati, yil va sutkaning vaqti va ob-havo sharoiti;
  
• 
  qurol-aslaha va harbiy texnikaga texnik xizmat ko‘rsatish uchun vaqtning mavjudligi.
  

Batalon komandirining qurol-aslaha bo‘yicha o‘rinbosari berilgan vaqtdan texnik ta’minot bo‘yicha tadbirlarni bajarish uchun unumli foydalanish uchun uni shunday taqsimlashi kerakki, toki, bo‘linmaning ko‘rsatilgan rayonga (tayanch punktiga) chiqish paytigacha barcha qurol-aslaha va harbiy texnika mudofaa jangi olib borish uchun, texnik ta’minot kuch va vositalari esa bo‘lajak jangda vazifalarni tez va sifatli bajarish uchun tayyor bo‘lsinlar.

Mudofaani egallashdan oldin texnik xizmat ko‘rsatish ishlarini birdaniga o‘tkazish uchun vaqt etarli bo‘lmagan hollarda, ular mudofaa jangi davomida bir necha qismlarga bo‘lingan holda ketma-ket ravishda bajariladi.

Zudlik bilan bajariladigan tadbirlarni tashkillashtirib bo‘lgach, batalon komandirining qurol-aslaha bo‘yicha o‘rinbosari vaziyatni baholaydi, qaror qabul qiladi va mudofaa jangi davomida bo‘linmalarni texnik ta’minotini tashkillashtirish bo‘yicha takliflarini batalon komandiriga bildiradi.

Qarorni batalon komandiri tasdiqlagach, komandirning qurol-aslaha bo‘yicha o‘rinbosari uni texnik ta’minot bo‘yicha og‘zaki farmoyish shaklida o‘z bo‘ysunuvchilariga etkazadi.

Batalon komandirining qurol-aslaha bo‘yicha o‘rinbosari o‘zining qarorini joyda aniqlashtirish uchun batalon komandiri o‘tkazadigan rekognossirovkada qatnashadi.