Тактиканинг фан сифатида вазифалари

mudofaaga tayyorgarlikdagi ishi
Bo‘linma komandirining qurol-aslaha bo‘yicha o‘rinbosarining komandirdan ko‘rsatmalar olganidan keyingi ishining mazmuni va ketma-ketligi aniq vaziyatga bog‘liq bo‘ladi.

Qurol-aslaha va texnikani tayyorlash uchun vaqtning qisqarishiga, ularni tez va sifatli tiklanishiga batalon komandirining qurol-aslaha bo‘yicha o‘rinbosarining texnik ta’minot bo‘yicha dastlabki farmoyishlarni (ko‘rsatmalarni) o‘z vaqtida berishi orqali erishiladi.

Vazifani aniqlashtirishda batalon komandirining qurol-aslaha bo‘yicha o‘rinbosari quyidagilarni o‘rganadi va tahlil qiladi:

• 
  batalonning jangovar vazifasi;
  
• 
  bo‘linmaning jangovar tartibdagi o‘rni va qo‘yilgan vazifani bajarish uchun tayyor bo‘lish vaqti;
  
• 
  texnik ta’minot bo‘yicha komandir va xizmat bo‘yicha katta boshliq qo‘ygan vazifalar;
  
• 
  katta boshliq tomonidan mudofaa jangi davomida va unga tayyorgarlik davrida batalon manfaatlarini ko‘zlab o‘tkazadigan texnik ta’minot bo‘yicha tadbirlar;
  

Batalon komandiri va hizmat bo‘yicha katta boshliq mudofaa davomida va unga tayyorgarlik vaqtida texnik ta’minotni tashkillashtirish bo‘yicha o‘z ko‘rsatmalarini berish imkoniyati bo‘lmasa, komandirning qurol-aslaha bo‘yicha o‘rinbosari mustaqil ravishda qurol-aslaha va harbiy texnikani, shaxsiy tarkibni, texnik ta’minot kuch va vositalarini bo‘lajak jangovar harakatlarga tayyorlashni tashkillashtirish va amalga oshirish ishlarini olib boradi va birinchi imkoniyat bo‘lgan zahoti komandirga va katta boshliqqa bildiruv beradi.