Тактиканинг фан сифатида вазифалари

Jang davomida o‘tkaziladigan asosiy texnik ta’minot tadbirlariga quyidagilar kiradi:

• 
  qurol-aslaha va texnikaga texnik xizmat ko‘rsatish;
  
• 
  sarflangan va yo‘qotilgan o‘q-dorilar o‘rnini to‘ldirish, ularni tashish yoki saqlash, keltirilayotgan o‘q-dorilarni jangovar foydalanishga tayyorlash, hamda otilgan gilza va idishlarni (yashiklarni) yig‘ish va evakuatsiya qilish;
  
• 
  safdan chiqqan qurol-aslaha va texnikani tiklash;
  
• 
  ishlatilgan va yo‘qotilgan harbiy-texnika mol-mulki o‘rnini to‘ldirish, qurol-aslaha va texnikadan echilgan agregatlar va boshqa butlash qismlarini yig‘ish, evakuatsiya qilish, topshirish yoki ta’mirlash;
  

Bundan tashqari qo‘yilgan vazifalarni bajarishga tayyorgarlik va uni bajarish davomida quyidagilar bajariladi:

• 
  bo‘linma va qismlarni qurol-aslaha va texnika bilan ta’minlash;
  
• 
  texnik ta’minot bo‘linmalarini himoya qilish, qo‘riqlash va mudofaa qilish bo‘yicha tadbirlar;
  
• 
  texnik ta’minotni boshqarish;
  

9.1.Texnik ta’minotning asosiy vazifalari (tadbirlari)

1. Bo‘linma va qismlarni qurol-aslaha va texnika bilan o‘z vaqtida ta’minlash (to‘ldirish), ularni safga qo‘yish va jangovar foydalanishga bevosita tayyorlash;

2. Texnik ta’minot ekipajlari (raschetlar, haydovchilar) va bo‘linmalarning texnik va maxsus tayyorgarligini tashkil etish va o‘tkazish;

3. Qurol-aslaha va texnikadan to‘g‘ri foydalanishni tashkil etish va rioya qilish;

4. Buzilgan (nosoz) qurol-aslaha va texnikani tez va sifatli tiklash bilan birga texnik razvedkani, evakuatsiya, ta’mirlash, tiklanmaydigan mashinalarni yuqori boshliqning vositalariga topshirish, hamda tiklangan mashinalarni safga qaytarish;

5. Bo‘linmalar va ularning ta’mirlash-tiklash organlarini zirhlitank mol-mulki bilan o‘z vaqtida va uzluksiz ta’minlash;

6. Texnik ta’minot kuch va vositalarini va ta’mirlash-evakuatsiya fondini dushmanning hujumi va barbod qilishidan himoyalash, qo‘riqlash va mudofaani tashkil etish va olib borish;

7. Texnik ta’minot kuch va vositalarini boshqarishni tashkil etish.

Qurol-aslaha va texnikaning jangovar shayligi: ularning texnik holati: jangovar komplekti, YOMM, ZAB komplekti, yorug‘lik texnikasi, namunalardan jangovar harakatlar davomida foydalanish uchun qurilma va moslamalarning borligi hamda foydalanish xujjatlarining borligi; tayyorlangan ekipajlar va haydovchilarning borligi; namunalarning jangovar foydalanish uchun tayyorlash yoki belgilangan maqsad bo‘yicha foydalanish uchun vaqt bilan belgilanadi.

Namunaning texnik holati uning sozligi va ish qobiliyati bilan belgilanadi.