Тактиканинг фан сифатида вазифалари

Razvedka-zarba harakatlari aloqachilarni, razvedkachilarni, uncha katta bo‘lmagan jangarilar guruhini va ta’mirlash guruhlarini hamda asirlarni va qurol-aslaha namunalarini qo‘lga tushirish maqsadida o‘tkaziladi.

Razvedka-zarba harakatlarini olib borish usullari bo‘lib: pistirma va jang bilan razvedka o‘tkazish hisoblanadi.

Razvedka-zarba harakatlarini o‘tkazish uchun umumqo‘shin bo‘linmalaridan razvedka-zarba guruhlari yuborilishi mumkin.

Vaziyatning maqsadi va shart sharoitiga bog‘liq holda razvedka-zarba guruhi tarkibida kuchaytirilgan motoo‘qchi guruhidan kuchaytirilgan motoo‘qchi vzvodigacha (vzvod taktik guruhi) harakatlanishi mumkin.

Motoo‘qchi guruh razvedka-qidiruv va razvedka-zarba harakatlarini olib borishda granatomyot, pulemyot raschyotlari (seksiyasi), razvedka va muhandislik-sapyor bo‘linmalari bilan kuchaytirilishi mumkin, qoidaga ko‘ra u qo‘shin razvedka bo‘linmalari, maxsus operatsiyalar kuchlari hamda boshqa qurolli tuzilmalarining maxsus bo‘linmalari bilan uzviy bog‘langan holda qo‘yilgan vazifalarni bajaradi.

Kuchaytirilgan motoo‘qchi guruh (vzvod) ning razvedka-qidiruv va razvedka-zarba harakatlarini o‘tkazish rayonlariga chiqish usuli birinchi navbatda yakuniy maqsad va vaziyat shart-sharoitlariga ko‘ra va quyidagi metodlarda amalga oshiriladi: vertolyotlarda desantlanish, zirhlangan texnikada haratlanish va yayov tartibda yurib chiqish.

Qo‘shinlarning maxsus harakatlarini o‘tkazishda boshqaruvni odatda, katta komandir yoki uning bironta o‘rinbosari amalga oshiradi. Masalan, kuchaytirilgan motoo‘qchi guruhning harakatlariga vzvod (vzvod taktik guruhi) komandiri yoki uning o‘rinbosari, vzvod (vzvod taktik guruhi) ga – batalon komandiri yoki uning bironta o‘rinbosari. Qolgan boshqa paytlarda motoo‘qchi guruh (seksiya, tank) boshqaruvini qo‘shinlarning maxsus harakatlari jarayonida tashkillashtirish holatlari ushbu bo‘linmalarni umumqo‘shin janglaridagi boshqaruvday amalga oshiriladi.