Тактиканинг фан сифатида вазифалари

Turli turdagi mashinalar quruq qattiq tuproqda ko‘tarilishga harakatlanishda o‘ta oladigan qiyaliklar
Qattiq er sharoitlada xar xil turdagi mashinalarni qiyaliklarni o‘tish

Qiyaliklar, grad	Qiyaliklarni o‘ta olishi
	Zanjirli mashinalar uchun	G‘ildirakli mashinalar uchun
5 gacha	Oson o‘tiladi	O‘tiladi
6 - 10	O‘tiladi	Qiyinchilik bilan o‘tiladi
11 – 20	Qiyinchilik bilan o‘tiladi	Katta qiyinchiliklar bilan faqat Kichik tezliklarda o‘tiladi
21 – 30	Katta qiyinchiliklar bilan faqat kichik tezliklarda o‘tiladi	Amalda iloji yo‘q
30 yuqori	Amalda iloji yo‘q	Amalda iloji yo‘q

Toqqa ko‘tarilishda dvigatelning quvvati, uni iqtisod qilish qobiliyati pasayadi va mashinaning yonilqi bo‘yicha yurish zahirasi kamayadi (atmosfera bosimining pasayishi – havo oshiqligi koeffitsientinig kamayishi natijasida).

Havoning ko‘p siyraklashishi dvigatellarni sovutish tizimlarining ishiga ta’sir ko‘rsatadi – sovutish suyuqligi va moyning harorati ancha ko‘tariladi. Akkumulyator batareyalarining elektrolitidan distirlangan suvning uchib ketishi ham oshadi (4000 m. ga yaqin balandliklarda ikki marta oshadi), bu esa batareyalarning plastinalarini sulfatlanishiga va ishdan chiqishiga olib kelishi mumkin.

Ko‘tarilishda atmosfera bosimini pasayishi shaxsiy tarkibga salbiy ta’sir ko‘rsatadi, ko‘nikmagan odamlarda toq kasalligini qo‘zg‘aydi. U xansirash, yurak urishining tezlashishi, bosh aylanishi ko‘rinishida ro‘yobga chiqib ishchanlik qobiliyatini birdan pasayishiga olib keladi. Buning natijasida katta jismoniy kuch va aniq koordinatsiyali harakatlarni talab etuvchi ishlarni bajarishga ketadigan vaqt ko‘payadi. qurol-aslaha va texnika texnik xizmat ko‘rsatish ishlarini bajarish uchun vaqt ko‘paygan sari mashinalarni nosozliklari va buzilishlarini bartaraf etish uchun vaqt ham ko‘payadi. Toshli grunt, toshlarning siniqlari va uyumlarining mavjudligi, harakat davridagi kuchli silkinishlar mashinalarning maxkamlash uzellari, agregatlari, mexanizmalari va detallarini tez bo‘shashiga, ularning sentrovkasini va boshqarish muruvvatlarining rostlanishini buzilishiga olib keladi, yurish qismining ortiqcha eyilishini keltirib chiqaradi.