Тактиканинг фан сифатида вазифалари

Ichkari (frontorti) texnikasiga raketa yoqilg‘isi, yoqilg‘i moylash mahsulotlarini (YOMM) zapravka, olib quyish, saqlash, tozalash, isitish va sifatini nazorat qilish vositalari; ovqat tayyorlash va tashish, suv isitish, dalada non pishirish texnik vositalari; oziq-ovqat, non va suv etkazib berish va saqlash, hamda go‘sht, un, makaron mahsulotlarini tayyorlash (zagotovka) texnik vositalari; ko‘chma ustaxonalar va kiyim-kechaklarni ta’mirlash to‘plamlari, tikuv mashinalari, ko‘chma kimyoviy tozalash ustaxonalari; hammom-kirxona va ichkari (frontorti) xizmatlarining texnik vositalari, hamda ichkari (frontorti) texnikasini ta’mirlash va xizmat ko‘rsatish texnik vositalari kiradi.

Zamonaviy zirhlitank qurol-aslahalar va texnikaning asosiy qismi tayanch mashina, qurol-aslahalar (namunaning foydalanish maqsadini belgilovchi asosiy maxsus jihozlar) va yordamchi jihozlardan tuzilgan murakkab texnik komplekslardir.

Jangovar harakatlar davomida qurol-aslaha va texnika dushmanning yadro, o‘ta aniq qurollar (VTO) va boshqa talofat keltiruvchi vositalarining jangovar ziyon etkazishi oqibatida, hamda foydalanishdagi turli sabablarga ko‘ra: tabiiy eskirish (eyilish), bevaqt va sifatsiz texnik xizmat ko‘rsatish, foydalanish qoidalarini buzish, butlovchi qismlarni tayyorlash texnologiyasini buzilishi bilan bog‘liq ishlab chiqarishdagi nuqsonlar natijasida safdan chiqadi.

O‘tgan urushlar tajribasi shuni ko‘rsatadiki, tanklar va SAUlar ko‘proq dushmanning tankka qarshi artilleriyasi, tanklari, aviatsiyasi va tankka qarshi minalarining jangovar ziyon etkazishi oqibatida safdan chiqqan, bu esa nafaqat yuqorida ko‘rsatilgan tankka qarshi vositalarning soni va sifatiga, balki jangovar harakatlarning harakteriga ham bog‘liq bo‘lgan.

Hozirgi sharoitda dushmanning tankchi (motoo‘qchi) bo‘linmalar va qismlarining jangovar (safar) tartiblariga jangovar (Ognevoe vozdeystvie) ta’sirining oshishi, yadro qurolini ishlatish ehtimoli, jang (marsh) davomida jangovar va maxsus vositalardan zo‘r berib foydalanish oqibatida qurol-aslaha va texnika yo‘qotishlari ortib boradi.

SHundan kelib chiqib jang (marsh) davomida qurol-aslahalar va texnikaning ishonchli ishlashi, ularni tez va sifatli tiklash va safga qaytarish natijasida qo‘shinlarning jangga yaroqliligini ta’minlash, ehtimoliy dushman ustidan g‘alaba qozonishda katta ahamiyat kasb etadi.