Тактиканинг фан сифатида вазифалари

O‘t ochish tizimining tayyorligi piyodalarning jangovar mashinalari (bronetransportyorlar), tanklar, to‘plar va boshqa o‘t ochish vositalarining o‘t ochish pozitsiyalarini egallashi, o‘q otish uchun ma’lumotlarning tayyorlanishi hamda o‘q-dorilarning mavjudligi bilan belgilanadi.
3. HUJUM
Umumiy qoidalar
Hujum dushmanni tor-mor keltirish (yakson qilish) va joyning muhim rayonlari (marralari, ob’ektlari) ni egallab olish maqsadlarida amalga oshiriladi. U dushmanni barcha mavjud vositalar yordamida yakson qilish, bo‘linmalarning dushman jangovar tartibini ichkarisiga qarab shiddatli olg‘a harakati, uning tirik kuchlarini yo‘q qilishi va asirga olishini, qurol-yarog‘ texnikasini qo‘lga kiritilishi hamda joyning belgilangan rayonlari (marralari, ob’ektlari) ni egallanishidan iboratdir.

Guruh (seksiya, tank) ning shaxsiy tarkibi dushmanni o‘t ochish bilan yakson qilinishi natijalaridan foydalangan holda hujumni barcha kuchlarini safarbar qilib, kunduzi va kechasi, har qanday ob-havoda uzluksiz, boshqa bo‘linmalar bilan o‘zaro hamkorlikda olib borishi lozim.

Guruh (seksiya, tank) ning himoyalanayotgan dushmanga hujumi unga bevosita duch kelgan holatda yoki yurib ketayotgan paytda amalga oshiriladi.

Motoo‘qchi (tank) guruhi vzvod (vzvodli taktik guruhi) tarkibida hujum qiladi, batalon (batalonli taktik guruhi) zaxirasida, shturm guruhida hamda jangovar razvedka dozorida esa mustaqil ravishda harakat qilishi ham mumkin. Motoo‘qchi guruh, bundan tashqari taktik havo desantining oldingi guruhida ham harakat qilishi mumkin.

Motoo‘qchi (tank) guruhi 200 m gacha bo‘lgan frontda, piyoda tarkibidagi motoo‘qchi seksiya esa 50 m gacha bo‘lgan frontda hujumga o‘tadi.

Motoo‘qchi (tank) guruh (seksiya, tank) ga hujum vaqtida hujum ob’ekti va keyingi hujum qilish yo‘nalishi ko‘rsatiladi (8-rasm). Jangovar topshiriq radio orqali berilganda guruh (seksiya, tank) ga faqat keyingi hujum qilish yo‘nalishi ko‘rsatilishi mumkin.

Motoo‘qchi (tank) guruh (seksiya, tank) ning hujum ob’ekti, odatda, okoplarda yoki tayanch punktining boshqa fortifikatsiya inshootlarida joylashib olgan dushman, shuningdek, hujum yo‘nalishida alohida-alohida joylashgan dushman tanklari, to‘plari, pulemyotlari va boshqa o‘t ochish vositalaridir.